Taamaattumik suliffeqarfiit IT-mi isumannaallisaanermut isumalluutinik atuisussaavoq

Mar 11, 2021 | IT-mi isumannaallisaanermut, IT-mik

Suliffeqarfiit assigiinngitsut marluupput: Hack-ertissimasut – aamma suli taamatut pineqarsimanerminnik ilisimasaqanngitsut.

Software-nik ineriartortitsisartup Bitdefender-ip misissuinerani takutinneqarpoq, danskit suliffeqarfiisa IT-mut immikkoortortaqarfiisa 86 procentii Coronap tuniluunnerata nalaani cyber-ikkut saassutsinnerit annertusinerinik misigisaqarsimasut.

Taamaattumik inortuinnginninni IT-mut isumannaallisaanerit nukittorsaruk.

Comby-mi isumaqarpugut, pingaartumik IT-mi isumannaallisaaneq pineqartillugu pinaveersaartitsinissaq pingaaruteqartoq. Isumannaallisaanermi eqqugaanerit assigiinngitsut niuerfinnut sunik assigiinngitsunik kinguneqarsinnaanersut paasiniarlugu piffissamik atuigit. Taamaalillutit isumannaallisaanermut aningaasaliissutissatit nalimmassarsinnaavatit, aammalu taamaalillutit ulorianartorsiornerit suunersut, qanorlu iliorlutit isumannaallisaaneq pitsanngorsarsinnaanerlugu naliliiffigisinnaavatit.

Suliffeqarfik sunaluunniit tamakkiivissumik qulakkeerisinnaanngilaq, kisiannili isumannaallisaanerup qaffasissusia ulorianartorsiorfigisinnaasattut isumaqarfigisannut naleqqiullugu naliliisinnaavutit. IT-mi isumannaallisaanermi pinaveersaartitsineq amerlanertigut akikinnerusartoq paasinarsisimavoq.

Suliffeqarfiutinni IT-mut attaveqaatit inissiami najukkanni attaveqaatitut eqqarsaatigikkit. Angerlarsimaffinni tillinniartoqarnissaanut isumannaallisaasinnaavutit kalerrisaarutinillu ikkussuisinnaallutit, taamaalillunilu allat illumut najukkannut isernissaat ajornakusuulersinnaavoq. Immaqalu minnerpaamik matu silarleq paarnaartarpat. Kisianni paasissutissaatitit isumannaallisarniarlugit qanoq annertutigisumik iliuuseqassavit. Minnerpaamik uku naliliiffigisariaqarpatit:

  • Suliffeqarfimmut paasissutissat atortut digitaliusut atorlugit iserfigineqarsinnaappat?
  • Annaassagukkit suliffeqarfiit ulorianartorsiortinneqassava?
  • Susassaqanngitsut isiginnaaqataassappata tamanna ulorianartorsiorfiusinnaava?
  • Angerlarsimaffinniit paasissutissaatinnut toqqaannartumik iserfiusinnaasunik suliffeqarpit?

IT-mi isumannaallisaanermi 100 procentimik qulakkeeriffigineqarnissaq ajornarluinnangajappoq (imaluunniit akisoorujussuusinnaalluni). Attaveqaatinut ulorianartorsiortitsinernik hack-erinissamulluunniit periaasissanik nutaanik ineriartortitsisoqartuaraluartoq, alapernaarsuinissamut piareersarnissaq alapernaarsuiuarnissarlu, kiisalu IT-kkut pinerliiniartartunut neriunartumik ajornakusoortitsisunik nutarteriuarnissaq, taamaalillunilu piffissaagallartillugu malugisaqartarnissaq pitsaasuuvoq. Hacker-ip tamanna ajornakusoortipallaaruniuk, aammalu pissarsiassat annikippallaarpata saniliusumut ingerlaqqinnissaa ilimanartarpoq. Matumani siulliunissaq aammalu IT-mut attaveqaatini tamani piareersimanissaq pingaaruteqarpoq.

Matuma kinguliani Comby-p isumannaallisaasuisa suleqatigiit siunnersuutaat arfinillit, IT-mi isumannaallisaanermik naliliiniarninni eqqumaffigisassannut tunngasut katersorneqarput.

IT sikkerhed

IT-mi isumannaallisaanissanut siunnersuutitsialaat arfinillit

1. Online-kkoortut mianersuutikkit sillimaffigalugillu

Nittartakkat, programmit ikkussassat, e-mail-it tigusatit, chat-it, nalunaarutit toqqaannartut, fil-it ilaliussat, links-it inuillu attaveqaqatigiittarfii eqqumaffigikkit. Ilissinnut isumannaannerpaaq anguniarlugu anti-spam programmimik akuerisamik peqarnissaq isumagissavarsi, taamaalillusilu virus-imik takkuttoqarsinnaanera annikillisissavarsi. Taakku pasinartoqarpat mail-inik nittartakkanillu matusisinnaapput. Antivirusprogramminik tunisassiortut amerlasoorsuupput, aammalu programmimik akuerisamik toqqaanissarsi pingaaruteqarpoq, taamaanngippat toqqissisimatitsisuusaaginnartumik peqalissagassi. Iserfigisatit mianersuuttuakkit, aammaluunniit taakku anti-spam programmikkoorsimagaluarpata. Mail-it webside-llu, nassiussisup uppernassusia nalornineqarpat peerneqassapput.

Anti Spam atugarput pillugu annertunerusumik atugaqarsinnaavutit, uani

2.IT-mut atortutit nutartertakkit

IT-mut atortutit nutarterneqartanngikkunik ulorianartorsiornerussapput. Tamatuma peqatigisaanik suliffeqarfippit programmit pisariaqartut kisiisa ikkutissavai, taamaalillutillu isumalluutit nutarterinernut pisariaqanngitsunut atortassanngilatit. Atortut atukulanngisat soorlu hacker-init iserfigineqarnissaannut ulorianartorsiorfiunerusarput. Tamatuma saniatigut atortut pilersuisunit ikiuuffiujunnaarsimasut immikkut ittumik eqqumaffigineqassapput.

Comby Patch Management aammaComby Software Distribution pillugit annertunerusumik atuagaqarit

 

3. Isumannaallisaanermut atortut ataatsimoortut aamma firewall eqqaamakkit

Suliffeqarfiup qarasaasiaanut tamanut isumannaallisaanermut atortut ataatsimoortut ikkusimasussaapput, taakkulu firewall, antivirus, spamfilter aamma phisingfilter imarissavaat. Aaqqiissutissat taakku ajornakusoorutigisaat tassaavoq, ikkunneqarsinnaasut assigiinngitsut amerlasoorsuunerat, taakkulu annertunerusumik annikinnerusumilluunniit avataaniit isertoqarsinnaanera akornusersinnaavaat. Atuisup ataatsip ikkussani kukkuguniuk, matu ammaannalertussaavoq. Suliffeqarfimmi annerusumi tapertatut firewall-imik qitiusumik ikkussisoqarsinnaavoq, taannalu amerlanertigut qarasaasianut amerlasuunut ataatsikkut isumannaallisaanissamut aaqqiissutissatut pitsaanerusarpoq isumannaannerusarlunilu. Comby-miit firewall alapernaarsorsinnaavarput, aammalu nutarterneqartuarnissaa qulakkeersinnaallutigu. Aamma attaveqaatit pisarnermiit atorneqarpallaarpata – isertoqannginnerani – suliniuteqarluta aallartissinnaavugut. Firewall nukittuppat, inuit kissaatiginngisamik isernissaannut illersugaanerit nukittunerussaaq.

Comby Security-mut aaqqiissuterput pillugu annertunerusumik atuagaqarsinnaavutit, uani

 

4. Attaveqaatit sumut atorneqarnersut eqqumaffigiuk

Suliffeqarfimmi atortuit attaviliinnartakkat, imaluunniit kabelillit atassuteqarnerat sanngiippat imaluunniit isumannartumik inissisimappat tamanna hacker-inut soqutiginaateqartorujussuusarpoq. Attaveqaatit isumannartumik inissisimatillugit biilinik illu saneqqullugu, aqqusinermut uniinnarlutik attaveqaatit atorsinnaavaat. Attaveqaatisi attaviliinnartakkat paasiuminaallisaatitalerneqarpata, suliffeqarfimmi sulisut kisimik attaveqaatinut tassanilu isumalluutinut isersinnaapput. Aalajangersimasumik eqqarsaatigalugu suliffeqarfinnut attaveqaat allat ilisimanngisaannik atilerukku paasiuminaatsumillu isertaaserukku pitsaanerpaamik inississaatit.

Comby Managed Internet pillugu annertunerusumik atugaqarit, uani

 

5. Isissutissat isumannaalluinnartut

Ataatsimut isigalugu isissutissaq arfineq pingasut sinnerlugit naqinneqartussaavoq, tassanilu kisitsisit angisuut mikisullu, kiisalu kisitsisit ilisarnaatillu atorneqassapput. Taamaakkunik paasiuminaannerussapput. Qitiusumik isissutissat allanit paasineqarsinnaaneri aamma tigusisussaanngitsunit pissarsiarineqarsinnaaneri annikillisinniarlugu sulisut isissutissaminnik akulikitsumik allannguisarnissaat pisariaqarpoq. Qulakkeerivinniarlusi akuersissut multifaktorgodkendelse-mik taaneqartartoq ilaliuttariaqarparsi. Tamatuma kingunerisaanik atuisut namminneerlutik app, sms imaluunniit oqarasuaatikkut sianerneq aqqutigalugu akuersisartussaaapput, taamaalillunilu suliffeqarfinni attaveqaatit hacker-iinit iserfigiuminaannerulissapput.

Multifaktor autentifikation-erput pillugu annertunerusumik atugaarit, uani

 

6. Sillimmatitut assilisat

Apeqqutinut siullernut ilaasuusarsimavoq: Suliffeqarfippit toqqortaminik annaasaqarnissaa ulorianartorsiorfiusinnaava? Imaassinnaavoq toqqortat ilaat allanit pingaarnerusut. Paasissutissat suliffeqarfippit uppernassusianut, aningaasaqarneranut misigisaanullu pingaarutillit. Taamaattumik minnerpaamik suliffeqarfippit paasissutissaataasa pingaarnerpaat, soorlu nioqqusianik nutaanik illersuinermut uppernarsaatit, aningaasaqarnermut paasissutissat imaluunniit sulisut pillugit paasissutissat sillimmatitut assilisarnissaat pisariaqarpoq.

Comby Cloud Backup pillugu annertunerusumik atuagaqarit, uani

 

Kisianni ajutoortoqassagaluarpat, IT-mut upalungaarsimanermut pilersaaruteqarnissaq pitsaanerpaasussaavoq. Piffissakilliorneq sunniuteqarnerpaasarpoq, taamaattumik ajoqusiinerit killilerniarlugit pilertortumik pitsaasumillu iliuuseqarnissaq pingaaruteqarpoq. Sulisut pisortallu tamarmik atortut digitaliusut atorlugit nukittuumik isumannaatsumillu pissusilersortarnissaat isumagineqassaaq. Pisortat salliussapput, aammalu IT-mik isumannaallisaanermi suleriaatsit malinneqartussaanerinik takutitsissapput. Sulisut IT-mik isumannaallisaanermut ilinniartinneqartariaqarput, taamaalillutik isumannaallisaanermut politikkeqarneq suliat tamarmiusut ingerlanerini ersarissunik malitassaqarnissamut aqqutissiuisarmat piareersimaffigissallugu.

IT-mik isumannaallisaanermi ikiussavatsigit?

Comby-mi isumaqarpugut, IT sakkussatut arlalittut, niuernermi ingerlatsininnut tapertaasinnaasutut isigineqartariaqartoq. Pitsaanerulersitsisinnaavoq, akikinnerulersitsisinnaavoq, sukkanerulersitsisinnaavoq isumannaannerulersitsisinnaallunilu. IT-mik isumannaallisaaneq antivirus-iinnaanngilaq, taamaattumik IT-mik isumannaallisaaneq eqqarsaatigigaangatsigu suliagut tamaasa eqqarsaatigisarpagut. Attaveqarfigaluta sunik sullissinnaaneritsigit paasiniaaffigitigut.

E-bog akeqanngitsoq:

Apeqqutit sisamat IT-mi ingerlatsinermik pitsaasumik qulakkeerinnittut

E-bog akeqanngitsoq aajuk, taanna IT-mik ingerlatsinerit qulakkeerusukkukku apeqqutinik sisamanik akisassannik imaqarpoq. E-bog-ip IT allanut suliakkiunnerani kiisalu kikkunnit sullinneqassanerlutit toqqaanissannut sorpiaat nakkutigissaneritit sammivai.

E-bog om outsourcing og IT-drift | Comby

Ilanngutassiat kingulliit

Hardware-kiffartuussinertut: Tamanut aaqqiissut ataaseq

Hardware-kiffartuussinertut: Tamanut aaqqiissut ataaseq

Hardware-kiffartuussinerut - Hardware as a Service (HaaS) nutaamik aaqqiissutaavoq IT-p silarsuaani atorneqaleraluttuinnartoq - aamma pissuteqarluartumik. HaaS-imik periuseq arlalinnik pitsaaquteqarpoq leasingimik attartornermilluunniit isumaqatigiissutini siornatigut...