Backupit ajunnginnersiq qanga kingullermik takuiuk?

Sep 7, 2022 | IT-mi isumannaallisaanermut, IT-mik

Suliffeqarfivit pisariaqanngitsumik ajutooqqanissaa aningaasatigullu annaasaqarnissaa pinngitsoortiguk eqqarsaatigilluakkamik misilerarluarneqarsimasumillu backupimut periuseqarnikkut. Sunaluunniit pissutaagaluarpat paasissutissanik annaasaqarneq ajornartorsiutaavoq ilungersunartoq suliffeqarfinnut sivisuumik sunniuteqarsinnaasoq. Taamaammat backupimik periusissiamik atuutilersitsineq imminut akilersinnaavoq suliffeqarfivit ilisimanngisanut piareersimanerulerneranik nassataqartoq.

Paasissutissanik annaasaqarneq suliffeqarfinnut tamanut – qanorluunniit angissuseqartunut, ajornartorsiutaavoq ilunersunartoq Ukiorpassuarni suliat annaaneqarsimasinnaapput niuernermilu paasissutissat pingaaruteqartut suliffeqarfiup aningaasaqarnerata peqqissusaanut sunniuteqakkajuttut annaaneqarsimasinnaallutik.

Suliffeqarfigisat backupeqanngippat tamanna annertuumik ajuvissumilluunniit sunniuteqarsinnaavoq. Suliffeqarfiup ulluinnarni atuunnera appassaaq univisinnaalluniluunniit fiulit annaaneqarsimasut pilerseqqinniarlugit piffissamik nukinnillu atuineq pissutigalugu. Paasissutissanik pilersitseqqinniarneq sivisullunilu akisusinnaavoq ajornerpaaffiani suliffeqarfiup matusariaqarneranik kinguneqarsinnaasoq.

Paasissutissanik annaasaqarnermut pissutaasut amerlasinnaaqaat, ilaalu pinaveersimatinneqarsinnaapput annikinnerutinneqarlutilluunniit paasissutissanik annaasaqarnermut pissutaasut nalinginnaanerpaat ilisimareerukkit.

Paasissutissanik annaasaqarnermut pissutaasut nalinginnaasut

Lasse Pedersen, Comby-imi teknikinik tuniniaanermut immikkut ilisimasalik nassuiaavoq, paasissutissanik annaasaqarneq sulisut iliuusaannit amerlanertigut pisartoq:

Pisisartutta paasissutissaatiminnik annaasaqarnerannut nalinginnaasumik pissutaakkajupput malware filinillu piniarani nunguterineq”.

Malwaret softwareprogramiupput suliffeqarfiup paasissutissaataannik paasiuminaallisitsisartut, aserorterillutik mattussillutilluunniit. Tamanna nalinginnaasumik pikkajuppoq sulisup mailimut kakkiussamik ammaagaangat linkiluunniit tooraangagu, kingornalu malwarep anguniakkat aalajangersimasut paasiuminaallisalertarpai suliffeqarfiullu netværkia aserortilerlugu. Suliffeqarfiup paasissutissaatini taamaalilluni iserfigisinnaajunnaassavai IT atorlugu pinerlunnianut aningaasarpassuarnik akiliitinnani.

Malwaret softwareprogramiupput suliffeqarfiup paasissutissaataannik paasiuminaallisitsisartut, aserorterillutik mattussillutilluunniit. Tamanna nalinginnaasumik pikkajuppoq sulisup mailimut kakkiussamik ammaagaangat linkiluunniit tooraangagu, kingornalu malwarep anguniakkat aalajangersimasut paasiuminaallisalertarpai suliffeqarfiullu netværkia aserortilerlugu. Suliffeqarfiup paasissutissaatini taamaalilluni iserfigisinnaajunnaassavai IT atorlugu pinerlunnianut aningaasarpassuarnik akiliitinnani.

Filinik pingaarutilinnik piniarani nungusaasoorneq qalliisoornerluunniit atuisunit kukkunerupput nalinginnaasut suliffeqarfimmulli sunniutilerujussuusinnaallutik. Ukiorpassuarni suliat annaaneqarsinnaapput paasissutissallu niuernermi pingaaruteqartut nungusarneqarsimappata suliffeqarfiup ajutooqqanera qaammaterpassuusinnaapput. Inuit kukkunerannik pissuteqartunik paasissutissanik annaasaqarneq annikillisarniarlugu sulisut suliffeqarfimmi aaqqiissutinik ilisimasaqartilerlugit digitalimik ilinniartinneqarsinnaapput, kiisalu malwaret toqqoqqasut navianarsinnaasut ersiutaannik takunninnissamut ilinniartillugit.

Paasissutissanik toqqorsivimmi (harddisk) ajornartorsiutit paasissutissanik annaasaqarnermi ajornartorsiutinut nalinginnaasunut aamma ilaapput. Harddiski qarasaasiap ilagaa qajannaatsoq, ajutoorneralu nungullarnermik, annaasaqarnermik, kissatsippallaarnermik imaluunniit pujoralaqarpallaalersimaneranik pissuteqarsinnaavoq. Harddiskimi kukkusoqarneranik takussutissat aalajangersimasut eqqumaffigineqarnissaat pingaaruteqarpoq, piffissaagallartillugu backupimik tigusisinnaaniassagavit.

Qarasaasiami harddiskimi kukkusoqarneranut takussutissaq:

    • Kissatsipallattarpoq
    • Qerisuukulavoq
    • Arriilliartorpoq
    • Filinik ammaaniartarnera ajornakusoorpoq
    • Seqqorpallattarpoq
data recovery

Backupimut periuseqarnissap pingaaruteqarnera

Sulisut digitalimik ilinniartinnerisigut pPaasissutissanik annaasaqaratarsinnaanerit annikillisissinnaagaluarlugu, inuup kukkuneranut, hackingimut, tillinnermut, ikuallannermut allanulluunniit siumut ilisimareersinnaanngisannut tamakkiisumik illersorsinnaanngilatit.

Akerlianilli backupimut periuseqarnikkut paasissutissanik annaasaqavinnissat pinngitsoortissinnaavat suliffeqarfivit paasissutissat annaasaasa sukkasuumik kinguneqartumillu pilerseqqissinnaanerisa qulakkeerneratigut.

Suliffeqarfippassuit digitalinngorsarneqarsimanerisa nassatarisaanik paasissutissat annaaneqarpata piunissamut tunngaviusoq tamaat annaaratarsinnaavarsi. Taamaammat atorsinnaasumik pitsaasumillu backupimut periuseqarnissa susoqarsinnaanera eqqarsaatigalugu akikitsuararsuuvoq. Illugisap biililluunniit sillimmaserneqartarnerannit allaanerunngilaq”, Lasse Persen oqarpoq.

Lassep nassuiaanera naapertorlugu paasissutissarpassuarnik annaasaqarnermik aqqusaagaqaruit pitsaasumik periuseqarnerup aningaasarpassuarnik sipaaruteqartissinnaavaatit minnerunngitsumillu suliffeqarfiup ataannarnissaa. Pitsaasumilli backupemut periutsip suut nassatarai?

Lasse Pedersenip oqarnera naapertorlugu periusinni immikkoortut sisamat ilanngutissavatit:

 

Pilersaarutaasumik pilersitsitseqqinnermut misiliineq

Backupimut periusinni pingaaruteqartut ilagaat suliffeqarfiup filiutaasa allagaataasalu isumannaallisaatitut assilineqarsimanersut – pilerseqqinneqarsinnaanersullu, misilinnissaa. Pilersaarutaasumik pilersitsitseqqinnermut misiliinikkut ajutuussagaluarussi backupivit siunertamisut atuunnersoq paasissavat. Pilersaarutaasumik pilersitsitseqqinnermut misiliinerit ukiut affaasa ilivitsulluunniit tamaasa ingerlanneqartarnissaat innersuussutigineqarpoq.

 

Aalajangersimasumik backupi

Backupip kingulliup kingorna paasissutissat annaaneqartut aserortulluunniit pilerseqqinneqarsinnaanngillat. Taamaammat suliffeqarfimmi piffissanut tulluartumik backupiliornissamut piffissaliinissaq periusissatsialaavoq. Ullaap tungaa naatsorsuutiliortoqartarpat kingorna backupiliortarnissaq periusissialatsialaassaaq. Suliffeqarfinni suleriaatsit naapertirlugit backupit taamaammat pilersaarusiortakkit paasissutissat pilersinneqariitsiarneranni paasissutissat pingaaruteqartut toqqorneqartarniassammata.

 

Ingerlatsinerup nalaani backupi

Backupimik aaqqiissutit ilai netværkimik serverimillu artorsartitsisarput, taamaalilluni aaqqiissutip tunniussaqarsinnaanera annikillilluni. Ajutooqqaneq pinngitsoortinniarlugu sulisut suliffeqarfiup aaqqiissutaanik atuinerat ilutigalugu filiutinnik isumannaallisaalluni assinginik toqqorsisinnaasumik aaqqiissummik toqqaanissaq isumassarsiatsialaavoq. Backupimik isumaginninnermi suliffeqarfimmi sulineq taamaalilluni unikkallartariaqassanngilaq.

Sumiiffiit marluk

Internetimi najukkamilu backupeqarnerup pitsaaqutigaa sumiiffinni marlunni isumannaallisaatitut assinginik toqqortaateqassagavit. Paasissutissaativit isumannaatsuunissaannik pitsanngorsaavoq najukkami serverimi kisiannili aamma internetsimi assersuutigalugu cloud-imik aaqqiissummi toqqorneqarsimassammata. Serveri tillinneqassappat aserorneqarluniluunniit internetimi assinganik peqarpoq.
Akerlianik najukkami backupeqarnikkut internetip attavia unitsinneqaraluarpalluunniit filiutivit toqqorneqarsinnaajuaannarnissaat qulakkeerneqassaaq.

Cloud backup

Suliffeqarfigisannut naleqqussaqqissaakkamik isumannaallisaanikkut aaqqiissuteqarneq

Suliffeqarfivit paasissutissanik annaasaqannginnissaa qulakkeerniarlugu periusissiamik pisariaqartitsivit? Comby-imi immikkut ittumik ilisimasallit pikkorissut suliffeqarfinnut tulluartumik backupeqarnissamik periusissiornissamut pilersaarusiornissannik ikiorsinnaavaatsit. Cloud tunngavigalugu aaqqiissuteqarnikkut ajortittup annertussusaa apeqqutaatinnagu paasissutissanik annaasaqarnissaq pinngitsoortinneqassaaq taamaalilluni suliffeqarfigisat nalinginnaasumik sukkanerusumik ingerlaqqilersinnaassalluni.

Comby-imi Cloud-inni backupit ullut tamaasa nakkutigaarput. Imaappoq backupinnit kukkusoqarneranik nalunaarummik tigusaqassagutta qisuariassaagut. Aaqqiissut nammineerluni kukkusoqarneranik nalunaaruteqanngikkaluartoq aaqqiissummit kukkunermut nalunaarutit ilaasa arajutsineqarsinnaanerat aamma nakkutigaarput. Comby-imit aaqqiissut atorlugu paasissutissaatitit isumannaarneqarsimajuaannarput.

 

E-bog akeqanngitsoq:

Apeqqutit sisamat IT-mi ingerlatsinermik pitsaasumik qulakkeerinnittut

E-bog akeqanngitsoq aajuk, taanna IT-mik ingerlatsinerit qulakkeerusukkukku apeqqutinik sisamanik akisassannik imaqarpoq. E-bog-ip IT allanut suliakkiunnerani kiisalu kikkunnit sullinneqassanerlutit toqqaanissannut sorpiaat nakkutigissaneritit sammivai. outsourcing af din IT samt valget af IT-leverandør.

Elektroniskimik atuagaq IT-mik ingerlatsinermut allanullu suliakkiinermut tunngasoq | Comby

Ilanngutassiat kingulliit

Hardware-kiffartuussinertut: Tamanut aaqqiissut ataaseq

Hardware-kiffartuussinertut: Tamanut aaqqiissut ataaseq

Hardware-kiffartuussinerut - Hardware as a Service (HaaS) nutaamik aaqqiissutaavoq IT-p silarsuaani atorneqaleraluttuinnartoq - aamma pissuteqarluartumik. HaaS-imik periuseq arlalinnik pitsaaquteqarpoq leasingimik attartornermilluunniit isumaqatigiissutini siornatigut...