Hardware-kiffartuussinerut – Hardware as a Service (HaaS) nutaamik aaqqiissutaavoq IT-p silarsuaani atorneqaleraluttuinnartoq – aamma pissuteqarluartumik. HaaS-imik periuseq arlalinnik pitsaaquteqarpoq leasingimik attartornermilluunniit isumaqatigiissutini siornatigut takuneqarsimanngitsunik.
Hardware-inik aaqqiissutinik taarsersuineq suliffeqarfippassuarnut angujuminaatsutut misiginarsinnaavoq. Suliffeqarfik qanorluunniit nutaamik netværkimik, serverimik printerinilluunniit aaqqiissutissarsiniaraangat apeqquterpassuit takkuttarput. Atortut qanoq atuutilersinneqartigissappat? Aamma pisiarineqassappat, attartorneqarlutik leaserneqarlutilluunniit? Imaluunniit HaaS-imik aaqqiissutaassava?
HaaS sunaava?
HaaS Hardware as a Service-imut – tassa Hardware kiffartuussinermut, naalisaaneruvoq kiffartuussinerlu tunngavigalugu niuernermik periusaalluni, tassani suliffeqarfiit hardware-inut, kiffartuussinermut atuinermullu qaammatikkaartumik aalajangersimasumik akiliisassallutik. Imaappoq, IT-mik neqerooruteqartup hardware-it ikkussussavai kingornalu IT-mik atortut iluarsaannissai aserfallatsaaliornissaalu akisussaaffigissallugit. Periuseq sumiiffimmiissinnaavoq internetsikkullu sullissiviit tunngavigineqarlutik, eqaatsumillu aaqqiissutaalluni annertusarneqarsinnaasoq annikillisarneqarluniluunniit suliffeqarfiup pisariaqartitai ineriartorneralu naapertorlugit.
HaaS-ip pitsaaqutai suuppat?
HaaS-imik aaqqiissut suliffeqarfinnut piffissamik aningaasanillu sipaarutaasinnaavoq naammassisaqarsinnaanermillu annertusaalluni. HaaS-imik isumaqatigiissuteqarnikkut IT-mik neqerooruteqartup suut tamaasa ilanngullugit kiggartuussinissamik neqerooruteqassaaq, tassani ikkussuinermiit, nutarterinermut, ataavartumik kiffartuussinermut ikiuinermullu suliassat tamaasa isumagissallugit.
Claus Ross Jacobsen, Comby-imi IT-mut siunnersorti imak oqarpoq:
“Pisisartumut aaaqqiissutaavoq aarlerinartoqanngitsoq Atortoq aserorpat nutaamik ajoquteqanngitsumik peqalernissat Combyip akisussaaffigaa Pisisartugut taamaalillutik suliffeqarfimmi IT-mik ajornartorsiutinik aaqqiiniarnermut piffissartoratillu nukinnik atuissanngillat”.
HaaS-imik aaqqiissuteqarnikklut suliffeqarfivit pitsaaqutit assigiinngitsut pissarsiarissavai:
Aningaasat ingerlaarnerannik pitsaanerusumik aqutsineq
HaaS-imik isumaqatigiissuteqaruit annertuumik akileeqqaassanngilatit. Taarsiullugu aningaasartuutit qaammatikkaartumik aalajangersimasumik agguarneqassapput. Taamaaliornikkut suliffeqarfivit qaammatit tamaasa qanoq missingersuuteqassanersoq ilisimaqqissaassavat. Tamanna aningaasaqarnermik aqutsinermi siumut ilisimasaqalersitsivoq – aamma hardwareutinni ajornartorsiuteqalissappat, tassami iluarsaassineq, ikiorneqarneq nutaamillu taarsiineq qaammatikkaartumik aningaasartuutinneereerput.
Ingerlatsineq isumannaatsoq patajaatsorlu
HaaS-imik isumaqatigiissuteqarnikkut ajutooqqaratarsinnaanerit annikillisissavat isumaqatigiissut atortunik ingerlatsinermik susoqannginneranilu aserfallatsaaliinermik ilaqartinneqarmat. Aamma isumaqarpoq IT-mik ajornartorsiutinut piffissaajarnartunut nukimmik atuisariaqassannginnavit. Atortoq sivisunerusumik iluarsaanneqartariaqarpat ajoquteqartoq nutaamik taarsernissaanut periarfissaqarputit.
Patajaatsumik ingerlatsinerup saniatigut HaaS-imik isumaqatigiissuteqarnikkut suliffeqarfiup hardware-inik atortuini IT-mik isumannaallisaaneq pitsanngorsassavat. IT-mik neqerooruteqartutut hardware-p kingullerpaanik nutarterneqarsimanissaa Comby-imit isumagineqassaaq, tamannalu isumannaallisaanikkut quppanik matoorissaaq suliffeqarfiullu internetsikkut saassunneqarnissamut nukittunerulersillugu.
IT-mut atortut ullutsinnut naapertuuttut
IT-p ineriartornera sukkasoorujussuuvoq niuerfimmi hardware-inik atortunik nutaanik pitsanngorsakkanillu takkuttoqartuaannarluni. Tamanna aamma isumaqarpoq suliffeqarfik IT-mut atortunik nutaanik pisippat taakku niuerfinni nalingat appapallattarlutik.
Piffissaq ungasinnerusoq isigalugu taamaammat HaaS-imik isumaqatigiissuteqarneq imminut akilersinnaaneruvoq, taamaaliornikkut ukiut aappaat pingajualluunniit allortarlugit nutaanik aningaasaliinermut taarsiullugu suliffeqarfiup hardware-iutai nutaanut ajornanngitsumik pisariitsumillu taarsersinnaanngussagakkit.
Ilutigitillugu HaaS-imik periuseq eqaatsumik aaqqiissutaavoq suliffeqarfiup pisariaqartitai missingersuutaalu apeqqutaatillugit annertusineqarluniluunniit annikillineqarsinnaalluni.
HaaS-ip pitsaaqutai:
- Annertuumik aningaasaliinissaq pinaveersimatittarpaa
- Eqaatsumik aaqqiinnerit naleqqussarneqarsinnaasut
- Kiffartuussineq, ikiuineq iluarsaassinerlu ilaapput
- Aningaasartuuteqarnerunani hardwarenik nutaanik taarsiineq
Leasingip HaaSillu assigiinngissutaat suuppat?
Leasingimik HaaS-imillu isumaqatigiissutit qanoq ilusilersorneqarsimanerat assigiinngilluinnarput:
”Leasingip HaaSillu assigiinngissutigilluagaraat HaaS-imik isumaqatigiissut pisisartup pisariaqartitaanut atatillugu eqaannerummat, isumaqatigiissut allanngortinneqarsinnaammat. Aaqqiissutip isumaqatigiissuteqarnerup nalaani pitsaanerpaamik atorsinnaanissaa IT-mik neqerooruteqartup akisussaaffigissavaa”, Claus Ross Jacobsen nassuiaavoq.
Leasingimik isumaqatigiissutit ukiorpassuarni tuniniaasut piumasaat tunngavigisimavaat, isumaqatigiissutit pituttuisut pisisartunik ukiorpassuit tikillugit tigumminnissimallutik. Leasingimik isumaqatigiissummi nalinginnaasumi pisisartumik samminninneq tuniniaanermi kisimi pisarpoq, tamatumani pisisartup massakkut pisariaqartitai aaqqiissuteqarfigineqartarluni. Suliffeqarfiup pisariaqartitai piffissap ingerlanerani allanngorpat atortunillu nutaanik imaluunniit aaqqiissutinik allanik pisariaqartitsilerluni, isumaqatigiissummik allanngortitsiniarneq ajornakusoorpoq. Isumaqatigiissutaasimasumi akiligassat sinneri isumaqatigiissummut nutaamut nuunneqakkajuttarput imaluunniit nutaanik pisussaaffiliisunik isumaqatigiissusioqqittoqarluni, taamalu isumaqatigiissutip unitsinnissaa ajornarsitillugu. Isumaqatigiissummik unitsitsissagaanni aatsaat tamanna isumaqatigiissutip naammassineratigut pisinnaavoq, tamannalu akisoorujussuusinnaavoq leasingimik isumaqatigiissuterpassuit ukiorpassuarni atuuttussanngortinneqarsimasarmata.
Hardware-isumaqatigiissutitut atorlugu eqaannerujussuarmik angusaqassaatit isumaqatigiissummillu pisariaqartitsilissaguillu allannguisinnaallutit. HaaS-imik isumaqatigiissutip siunertaraa pisisartup pisariaqartitavii – maanna siunissamilu, naaperiarneqarnissaat. Taamaammat HaaS eqaatsumik aaqqiissutaavoq suliffeqarfiup ineriartorneranut naeqqussarneqartuarsinnaasoq, qanorluunniit serverimut, netværkimut, assiliissummut, printerimut allamulluunniit hardware-inik aaqqissummik toqqaagaluaruit.
Leasingimik isumaqatigiissummut imaluunniit tamakkerlugu akiliinermut sanilliullugu HaaS-imik periuseq aallaavigalugu Comby-imi printerimik aaqqiissutip qanoq isikkoqarnissaanut assersuut ataani takusinnaavaat.
| Peqataatitsineq sunaava | Leasing | attavissaq | Printby Comby |
| Hardware | X | X | X |
| Printerip qalipaatissai | X | X | X |
| Kiffartuussineq | X | X | X |
| Pituttorsimanngitsumik* | – | X | X |
| Akiitsoqarnissamut pisussaaffeqanngitsoq | – | X | X |
| Ikiortissaq | – | – | X |
| Maskiina taartissaq | – | – | X |
| Annertusaanissamut/nalimmassaanissamut periarfissaqarluni | – | – | X |
| Aalajangersimasumik akiliisarluni | – | – | X |
*Isumaqatigiissutip qanoq sivisutigisumik atuussimanera aallaavigalugu atuisuujunnaarnermut akiligassaqarsinnaavoq. Akiligassarli leasernissamik isumaqatigiissuteqarnertut isumaqatigiissutip nalingatut annertutiginavianngilaq.
Comby-imi HaaS-imik – Hardware-as-a-Service isumaqatigiissutit uku neqeroorutigaagut:
Hos Comby tilbyder vi Haas – Hardware-as-a-Service løsninger på:
E-bog akeqanngitsoq:
Apeqqutit sisamat IT-mi ingerlatsinermik pitsaasumik qulakkeerinnittut
E-bog akeqanngitsoq aajuk, taanna IT-mik ingerlatsinerit qulakkeerusukkukku apeqqutinik sisamanik akisassannik imaqarpoq. E-bog-ip IT allanut suliakkiunnerani kiisalu kikkunnit sullinneqassanerlutit toqqaanissannut sorpiaat nakkutigissaneritit sammivai. outsourcing af din IT samt valget af IT-leverandør.
Ilanngutassiat kingulliit
IT-mik isumannaallisaanerit pitsanngorsaruk: Suliffeqarfinnut hackerinerit pinaveersaartikkit siunnersuutit uku atorlugit
Danmarkimi suliffeqarfinnut hackerilluni saassussinerit amerliartorput. Suliffeqarfiit 25 %-ingajaat 10-49-nik sulisoqartut IT-mik isumannaallisaanerat 2021-p ingerlanerani ajoquserneqarput. SMV Danmarkimit misissuinerup tamanna takutippaa. Comby-imi tamanna uagut...
Backupit ajunnginnersiq qanga kingullermik takuiuk?
Suliffeqarfivit pisariaqanngitsumik ajutooqqanissaa aningaasatigullu annaasaqarnissaa pinngitsoortiguk eqqarsaatigilluakkamik misilerarluarneqarsimasumillu backupimut periuseqarnikkut. Sunaluunniit pissutaagaluarpat paasissutissanik annaasaqarneq ajornartorsiutaavoq...
Pisiniartartumut assersuut: IT-mik aaqqiissutit nutaaliaasut ingerlatsinerlu isumannaatsoq CHYMEIAp IT-mik ilusilersorneranik pitsanngorsarpaat
CHMYMEIA akuutissanik aqutsinermut akuutissallu pillugit isumannaallisaanermut allagaatilerinermut softwarenik inerisaasarpoq. Taamaammat sivisuumik ajutoorani ataavartumik ingerlatsisinnaanera aalajangiisuulluinnarpoq pisisartunut aaqqiissutissanik...