Pilluta

Comby A/S 2000-mi pilersinneqarpoq pioreersunik unammillerusussuseq pitsaanerusumillu sullissinissamik tunuliaqutaqarluni. Aallartikkattali Kalaallit Nunaanni allaffeqarfeqarpugut nunarput tamakkerlugu inuinnarnut suliffeqarfinnullu IT iluani sullissisuulluta. Maannalu aamma Danmarkimiilersimalluta.

 

Maaji 2020-mi Slagelsemi allaffik ammarparput Comby Denmark A/S-imik atserlugu, tassanngaanniillu suliffeqarfiit sullitagut sullillugit.

 

2000-miit ullumimut

Comby A/S 2000-mi Brian Torp-imit pitsanngorsaarusunneq tunngavigalugu pilersinneqarpoq. Suliffeqarfik IT-lerisoq Comby 100%-mik kalaallinit pigineqarpoq Nuummiillu siulersorneqarluni.

Sivitsunngitsoq A-Team-ilu kattunneqarpoq taamaasillunilu IT iluani sullissisutut toqqavik nukittooq pilersinneqarpoq. Suliffeqarfik pilersinneqarnerminiilli aalajaatsumik alliartorusaarpoq, 2009-milu Sermit A/S namminersorlutik oqartussanit pigineqartup Comby-imiit pisiarineqarpoq ullumilu Comby qanoq issuserisaa inissikkiartuaarluni.

Ullutsinni Comby nunatsinni suliffeqarfittut IT-lerisutut sallersaat ilaanni inissisimavoq tunngaviusumillu tunisassiani siuttuulluni. Sulisut Prince 2 iluani pikkoriffeqarput tuniniaasullu immikkoortortaqarfiat sullitat pisariaqartitaannik paasinnilluartuupput.

 

Angorusutagut

Aallaqqaammulli anguniagaraarput sullitagut atassuteqarluarfigalugillu siunissaq ungasinnerusoq eqqarsaatigalugu atassuteqarfigissallugit. Iluatsissappat neriorsuutigut tunniussinnaasariaqarpagut. Taassuma saniatigut aamma sullitatsitulli ineriartortuarsinnaanissaq piumasaqaataavoq.

Taamaammat immitsinnut malinnaaffigiuarpugut suliatta anguniakkatsinnut ataqatigiittuarnissaat qulakkeerusullugu. Pitsaanerusumik tunniussinissaq tunngavigaarput. 2011-mi ITIL tunngavigalugu sulineq aaliangiupparput ulluinnarni sullissinitta pitsaassusaa qulakkeerumallugu. 2017-mi sullissinerput aamma allannguiffigivarput, tassanimi Managed Services aallarnerparput. Taamaasiornitsinni ajornartorsiutaasinnaasut pinnginnerini aaqqiiveqarsinnaaneq pilersinneqarpoq.

Kalaallit Nunaanni maannalu aamma Danmarkimi sullitatta akornanni atuisut 6.000-it sinnerpaat, taamaammat ulluinnarni sullissinitsinni assigiimmik tunngaveqarnissaq pisariaqarpoq tunniussatta pitsaassusaa qulakkeerumallugu – tamarmik sullissinitsinni tamanut iluaqutissaalluartut unammillertsitsisutsinnullu naleqqiulluta pitsaanerulersitsisut.

Naleqartitagut

Tatiginassuseq

Sullitatta suliffimminni sakkussanik tuniniaallutalu sullissisuugatta tatiginassuseq uagutsinnut pingaaruteqarpoq. Akisussaaffik pisariaqartup tigunissaa tunngaviuvoq taamaasillutami sullitatsinnit tatigineqarnissaq pilersissavarput. Neriorsuutigut eqquutsittuaannarpagut.

Pitsaassuseq

“Pitsaassuseq” Comby-mi sullitatsinnut ilisarnaataassaaq. Sullitatta kissaatigisaannik pisariaqartitaannillu iluarsiissutaasunik tuniniaasinnaaneq ilisarnaatigerusupparput. Sullitatsinnut ajoqutaanngitsumik piffissarititaasumilu tunniunneqartumik.

Pimoorussineq

“Pimoorussineq” Comby-mi oqaasiuvoq paasinnissutissaq. Suliavut inuussutigaavut pimoorullugit, suliallu ajunnginnerpaamik naammassinissaat tulluusimaarutigalugit. Nammaqatigiilluta sulisarpugut, angisuut mikisullu, ataasiinnaq anguniarlugu.

Ataqqinninneq

Ataqqinninneq” tassa sullitatta niuertarfiannut ataqqinninneq qanorlu tassunga paasinnittaaseqarnerannut ataqqinninneq. Suleqatinut, pinngortitamut, inuiaqatigiinnut, inoqatinut pingaartitaannullu ataqqinninneq.

Takorluugarput

Suliffeqarfittut IT-lerisuusutut nalimik pilersitsisuunerpaajorusuppugut.

Anguniagarput

Sullitatta suliffeqarfimminnut ukkatarinninnissaat ajornannginnerulersipparput.

IT ingerlannera soqutigisarisuuarput

IT iluani sullissisunut allanut naleqqiulluta nuannarisarisuuarput atuisut dekstop-illu iluanni sullissilluta. Suliassatta pingaarnersaraat illit pikkoriffivit aallussinnaanissaat – IT ernumassutiginagu.

Comby-mi pingaarnertut IT iluani sullissisuuvugut, IT atuutsilernera ingerlanneralu soqutigisarisuuarput. Atuisut 6.000-it sinnerlugit sullitaraagut taakkunullu Managed Services iluani sullissinerit 13-it neqeroorutigalugit, Hosted Services iluani sullissinitsinni aamma tunngavilersukkanik. Taakku saniatigut 2007-miilli ISP iluani sullitarpassuatsinnut aamma sullissisuulluta.

Sullitagut angissutsimiit niuertoqarfinnut assigiinngiiaartuupput pisortani kiisalu suliffeqarfiit namminersortunittaaq sullissisuulluta. Sullitattali assigiissutigaat IT ingerlannera allanngujaatsuullunilu akiminut naleqqulluagaasuussasoq. Tamannalu qulakkeerparput.

 

Siunnersuineq akikinnerulersippaatigut

Pingaartitarisuuarput suliffeqarfivit angissusaanut siuariartorneranullu tulluarluartumik inernermik pissarsinissavit qulakkeernissaa. Uagutsinnut tunisisinnaanerpaaneq pingaaruteqartuunngilaq, suliffeqarfivilli iluaqutigilluarsinnaanissaanik inernermik nassaarsinnaaneq tunngaviusuulluni.

Taamaammat siunnersorluarneqassaatit sullinneqarnissarlu akiminut aamma naleqquttoq pissarsiarissallugu.