CombyNet - attaveqaammik attartorit
Attaveqaammut tunisassianut aningaasarpassuit atornagit naammassilluakkamik attartuigit. Cisco Meraki – nunarsuarmi attaveqarfiit iluanni tunisassiortut pitsaanersaat ilaat – suleqatigalugit sungiussiasumik tatiginarluartumillu tunisassiamik pissarsissaatit, taamaasillutillu susassaqanngitsut attavinnut isersinnaannginnissaat qulakkeerlugu.
CombyNet Comby-mi pissarsiariuk!
Wifi-nnut tunisassiaq tatiginartoq aqukkuminartorlu
Cisco Meraki attaveqaatinut tatiginarluartunik pilersitsisutut ilisimaneqarluarput. Inerneq pilersitaat qitiusumik browser-imiit aqunneqarsinnaavoq. Aquttarfianiit attaveqaammi pisunik misissueqqissaarneq periarfissaavoq. Comby peqatigalugu tunisassiaq maanna saqqummerpoq, tassani firewall kiisalu iserfissat pingasut tunisassiami attartoriaannaasumi naammassilluakkamik suliami tassaasumi Combynet-imi ilaapput.
Comby firewall-imik tassungalu iserfissanik tunniussissaaq, ikkussuilluni ingerlaartumillu nutarterillunilu aserfallatsaaliuissalluni, taamaasilluni iluamik ingerlanissaa qulakkiissaaq. POE aqqutigalugu innaallagiaq kiisalu eqqortumi nivingarnissaat nammineq isumagissavat, uagulli suliassaq taanna aamma tigusinnaavarput.
Atortut tunisassiamut atatillugu tunniussagut tamarmik nutaajupput.
CombyNet 30
Ininut 3-nut sulisunullu 30-nut inerneq- Ataaseq Cisco Meraki MX68 Firewall
- Ataaseq Cisco Meraki MR33 Access Point
Akimut takussutissaq
Akeq takussutissaq isumaqatigiissummut ukiuni sisamani ingerlasussatut assersuutaavoq. Isumaqatigiissut ukiut sisamat qaangiutinnginneranni atorunnaarsinneqarpat isumaqatigiissutip qanoq sivisutigisumik ingerlasimanera atortullu atukkiussat qanoq issusiat tunngavigalugu akiligassaq suliarineqarumaarpoq. Saaffiginnereernermi sumiiffissaq pisariaqartitallu misissussavagut. Atortut ajutuussappata Comby isumaginnittuussaaq akisussaassallunilu.
Inerneq tamakkiisoq
Firewall Cisco Meraki MX68 atortutsialaavoq isumannaatsoq anginngitsoq kusanartumillu suliaq. Uku ilaapput:
- netværksport-it qulite, taakkunani marluk POE+ -iullutik
- Ataaseq MR33 access point
- Webinterface atuisumut piuminarsagaq
- Auto VPN
- Firmwareopdatering-it
Taamaammat CombyNet toqqassavat
CombyNet atorlugu Comby immikkuullarissumik tunisassiamik neqeroorpoq, tunisassiami attaveqaatinnut firewall nukittooq ilaavoq Cisco Meraki-miit teknologi pitsaanerpaaq atorlugu pilersitaq aquttarfialu kusassarluagaq atoruminartoq aamma ilaalluni.
Active Directory atorlugu aquttarfik ataatsimiit pisunut tamanut isersinnaalissaatit. Access Point-it netværkskabilit naliginnaasut atorlugit ikkussuunneqassapput taamaammat immikkut suliarisariaqarnatik POE-li atorlugu innaallagialerneqassallutik.
Attaveqaatinni pisut aqunnissai malinnaaffiginissaalu aquttarfimmiit atoruminartumit ajornanngitsumik ingerlatissavatit.
CombyNet
Don’t make it easy for an unwanted guest
CombyNet
Managed Service-itsinnut ilaavoq
Comby-ip Managed Services iluani tunisassiai atorlugit suliffeqarfinnut sullinneqarneq atorfissaqartitarpiat pissarsiarisinnaavat. Isumaqatigiissut ataatsimiit all incl. isumaqatigiissummut.
Ernumagisat isumaaluutillu tamaasa iperakkit nalunngilluarlugu suliffeqarfinni IT pikkorissunit aallunneqartoq.
Managed Services tunisassiat iluanni tunisassiat tamarmik pillugit ukua atuupput:
- Pilersitsinermi akiliutitaqanngilaq
- Piffissaqanngilaq pituttugaaffiusoq
- Akiliutissat toqqoqqasunik soqanngilaq
- Isumaqatigiissutip saniatigut allanik aningaasartuutitaqanngilaq
- Qaammatit tamaasa nalunaarusiat tamakkiisut suliarineqartarput
- Sullissineq tamakkiisoq uagut isumagissavarput
Qanoq CombyNet attartussavara?
Comby-mi tuniniaasut saaffigikkit, taava ilinnut tulluarsakkamik tamakkiisumik neqeroorummik suliarinnissaagut. Pilersitsineq akeqanngilaq, isummallu allanngortissagaluarukku ullormiit ullormut isumaqatigiissut atorunnaarsissinnaavat. Taamaammat utaqqisariaqanngilatit – ullumi attavigitigut.
