New Commerce Experience

Quppernermi uani Microsoft aamma Office 365-miit nutarterinerit kingulliit nassaarisinnaavatit. Ajornanngitsumik sukkasuumillu tamakkiisumik isiginnilerit, allannguinerillu ilinnut qanoq sunniuteqarsinnaanerat paasisaqarfiginerullugu.

Microsoft/Office 365-miit nutarterinerit

Microsoft nalunaarpoq 2022-mi Microsoft 365 aamma  Office 365-imi licens-iminni piumasaqaatinimmilu tunngaviusumik allannguiniarlutik. 

Paasissutissiisussatut misigisimagatta quppernermi uani allannguinerit tamaasa katersorpagut, taamaasillusi ajornanngitsumik allannguinerni malinnaasinnaaniassagassi. 

Microsoft 365 aamma Office 365-mi akinik allannguinerit

Microsoft Business aamma Enterprise-mi licens-ini akinik martsip aallaqqaataaniit 2022 qaffaaniarlutik nalunaarput. 

Akerpiaasussat suli saqqummiunneqanngillat, nalunngereerparpulli akinik qaffaanerit 10 aamma 20 procent missaaniissasut. Taamaammat maanna akiusunit 20%-mik ukiumi ataatsimi pingasuniluunniit atuisutut qaffannissai naatsorsuutigilereersinnaavasi. 

Maannatulli qaammatikkaarlugit allannguisinnaaneq kissaatigigaanni qaavatigut 20% akiliisalernissaq naatsorsuutigineqarsinnaavoq. 

Akiligassat, atuisuujunnaarneq piffissarlu pituttorsimaffik

Comby-mi sullitatut qaammat ataaseq sioqqullugu licens-inik atuisuujunnaarsinnaanissaq sungiusimanikuuarsi – Tamanna nutarterereernerup kingorna suli periarfissaassaaq, akisunerussallunili. 
Taamannak periarfissaqarsinnaanissaq licens-ip nalingata qaavatigut 20%-mik akisunerunissaa missingesuutaagallarpoq.

Naatsumik oqaatigalugu qaammammut licens-it atuuttut ukiumut licens-iusunit akisunerussapput. 

Allannguutit atuutilerpata pisereernermiit akunnerit 72-it iluanni atuisuujunnaarnissaq kisimi periarfissaalissaaq. Tassa imaappoq atuisuulereernermiit akunnerit 72 qaangiuppata atuisuuffik atorunnaarsissinnaajunnaassavat. 

Piffissaq pituttugaaffik licens-inut tamanut assigiiaalissaaq. Assigiinngitsut pingasut atulissapput:

 

Atuisuuffiit sivisussusaat Martsip aallaqqaataaniit 2022
Qaammammut 20%-mik akianik qaffaaneq, qaammatip ataatsip iluani allannguisinnaalluni. 
Ukioq 1/ Ukiut 3 (qaamm. akiliisarluni) Piffissamik pituttugaaffimmik allannguinertaqanngilaq, qaammammut akiliisarluni, atuisuuffimmi akip allanngorneq ajornera qulakkeerlugu
Ukiumoortumik akiliisarneq Piffissamik pituttugaaffimmik allannguinertaqanngilaq, qaammammut akiliisarluni, atuisuuffimmi akip allanngorneq ajornera qulakkeerlugu

 

Atuisuuneq minnermut nuunneqarsinnaanavianngilaq, assersuutigalugu Office pakke-talimmik licens-i Office pakke-qarunnaarsillugu. Qummulli allannguinissaq periarfissaassaaq. 

Licens-imik allannguinissaq isumaqatigiissutip iluani akunnerit 72-it iluanni isumagineqassaaq. 

Atuisunut iluaqutit nutaat

Akinik qaffaanissamik nalunaarneq ajornartuaannarpoq, ingammik tuniniaasut tassanilu atuisut eqqorneqaraangata. Microsoft-ip malugeqquaa akit ukiuni qulini kingullerni allanngornikuusimanngimmat, 2011-miilli aatsaat akinik qaffaallutik. 

Atuisuuffissaq nutaaq tassanilu atuisutsinnut iluaqutit sammerusuppagut. 

  • Home Use Program (HUP)
    • Sulisunut Office pakke-ni inuinnartut atuisutut akikilliliiffigineqarsinnaassapput
  • M365 licens-inut Multi-geo add-on-it
    • Nammineerlusi nunami sumi paasissutissaatisi toqqornissaat aaliangersiuk, assersuutigalugu Tyskland immaqaluunniit USA
  • Microsoft licens-ini atuisuuffiup nalaani akimik qulakkeerinninneq
    • Atuisuuffiit sivisunermik piffissallit akiginnerpaajupput, siunissami akinik allannguisoqassagaluarpalluunniit

FAQ

Qaqugu akit allanngussappat?

1/3-2022

Atuisutut tuniniaasut allanik atuilerusukkaanni qanoq periarfissaqarpa?

Ullumi tuniniaasunik nutaanik atuilersinnaanissaq piffissaq pituttugaaffik eqqarsaatiginagu periarfissaavoq. Allannguereernermi piffissaq pituttugaaffik qaangiunnerata nalaani taamaallaat periarfissaalissaaq. 

Licens-it qaffakkaanni piffissaq pituttugaaffik allanngussava?

Naamik, piffissaq pituttugaaffik ulloq pisiffimmiit aallartittuaannarpoq. Assersuutigalugu apriilip aallaqqaataani licens-imik pisiguit, apriilillu 15-iani qaffallugu, apriilip aallaqqaataaniit pituttugaaffik ingerlassaaq. 

Arlalippassuarnik sulisoqaraanni, saniatigullu sivikitsumik sivisussusilimmik sulisoqarluni

Licens-it assigiinngitsut akulerulluarneqarsinnaapput. Assersuutigalugu licens-it amerlanerit piffissaq pituttugaaffiit sivisunernik pilerneqarsinnaaput, sinnerilu sivikinnernik. Taamaasiornikkut aningaasat annaasassat minneerarsuussapput sulisut ikilissagaluarpata. 

Sorpiaat atuisuuffiginerlugit akiilu qanoq tamakkiisumik takusinnavara?

Comby-miit qaammammoortumik akiligassamik nassitsittassaatit. Akiligassami atuisuuffiit sorliit kiisalu atuisuuffiit qassit akiliutaassanersut ersittarpoq.