SPOC – IT pillugu attaveqarfissaq ataasiinnaq

Mar 11, 2021 | IT-mik, IT-mik

IT-mik ingerlatsineq pitsaasuussappat, suut tamarmik ingerlasinnaassapput. Uuminartoortitsisoqarpat kukkuneqarpalluunniit ajornartorsiutit erngerlutik iluarsisassapput. Comby-mi atuisut tamatigut ataasiinnarmut attaveqartarput, tassanngaanniillu suliassat ikiuuffiusussat iluarsineqartarput. Taamaattumik atuisut IT-mik qanoq ittumiluunniit ajornartorsiuteqalerunik tamatigut attaveqarfissamut ataasiinnarmut saaffiginnittarput. Tamanna atuisumut ajornaannerulersitsisarpoq oqinnerulersitsisarlunilu.

Comby-p allaffiani, Slagelse-mi Japanvej-imiittumi Ida Linea Valdsgaard atuisut attaveqarfiattut siulertut – aamma SPOC-imik (single point of contact) taaneqartartutut issiavoq. Idap suliffeqarfiup iluani sulisunut attuumassutilinnut imaluunniit systemilerisunut avataaniittunut ingerlatitseqqittarnermigut, atuisut tamatigut pilertornerpaamik ikiorserneqartarnissaat pingaarnertut suliassaraa.

”Comby-mi suliassat pingaarnerit tassaalluinnarput sullitat kiffartuunneqarnissaannut tunngasut. Atuisut suliassaatiminik piaarnerpaamik ikiorneqartarnissaat isumagisussaavara. Suliassat nammineq iluarsisinnaanngisakka erngerlutik teknikerimut eqqortumut ingerlateqqinneqartarput, taassumalu suliassap naammassinissaata, taamaalillunilu atuisumut naammaginartumik iluarsineqarnissaata tungaanut tigummisarpaa,” Ida SPOC-imi sulisoq oqaluttuarpoq.

Attaveqarfissaq ataasiinnaq

Oqaaseq SPOC (single point of contact) ikiuisarnermi attaveqaataavoq, tassanilu atuisuniit attaveqarnerit tamarmik qitiusumik eqiteruffimmut, servicedesk-imik taaguutilimmut katersorneqartarput. Tamanna piffissamik sipaarfiusarpoq, tassanilu IT-mik ajornartorsiuteqarnerit, kiffartuunneqarnissamut qinnuteqaatit, ajornartorsiutit pisullu aallaqqaammut niveau 1-servicedesk-imut ingerlanneqartarput, ticket-system-imut ilineqartarlutik. Tamatuma kingorna saaffiginnissutit toqqaannartumik niveau 1-imi iluarsineqartarput, imaluunniit immikkut ittumik ilisimasalimmut suliaqartussamut ingerlateqqinneqartarlutik.

Suliassat immikkoortortaqarfimmut apuuttut tamarmik SPOC-servicedes-imi iluarsineqartarnissaat naatsorsuutigineqanngilaq. Akerlianik SPOC atuisuusup ikiorneqarnerani suliap ingrlanera tamakkerlugu atugassiisarpoq ataqatigiissaarisuusarlunilu. Ajornartorsiut aalajangersimasoq qanoq iliorluni iluarsineqassanersoq atuisup paasisariaqanngilaa, kisiannili kikkut attaveqarfigineqassanersut paasisussaavaat. Suliassat pisariitsut sapernanngitsullu erngerlutik iluarsineqartarput, kisiannili suliassat immikkut ittumik ilisimasaqarnermik pisariaqartitsiviusut ingerlateqqinneqartarput.

Suliat ingerlateqqinneqartut nalinginnaasumik desktop support-imut, niveau 2- servicedesk-imut imaluunniit NOC (Network Operations Center) atassuteqartunngorlutik ingerlateqqinneqartarput. Ilaanneeriarluni ajornartorsiutit avataaniit pilersuisumik imaluunniit aaqqissuussaanerup iluani inunnik aalajangersimasunik, suliassanut aalajangersimasunut immikkut ittumik ilisimasalinnik ikiorteqarluni iluarsineqartarput. Suiassaqarfinnut immikkoortiterinermi atuisut tamatigut sulisumik, pisariaqartinneqartunik ilisimasalimmik piginnaaneqartumillu, suliassami aalajangersimasumi pisariaqartinneqartumik atuisinnaanissaat qulakkeerneqarpoq.

SPOC-ip naleqarneranut tunngaviusutut ikiuunnermi torersaarnissaq, ileqqorissaarnissaq tunngavissaqarnerlu atorneqartussaapput. SPOC ataqatigiissaarisutut sulianik ammasunik tamanik nakkutilliinissaq, taamaalillunilu suliassat kiffartuussivinni aalajangersimasuni suliarineqarnissaat akisussaaffigaa. Taamaalilluni suliassat unittoorsinnaasut isumagineqarnissaat qulakkeerneqartarpoq. Suliaq naammaginartumik iluarsineqaraangat, SPOC-imi suliaq matuneqartarpoq.

Sullitanik kiffartuussineq salliuvoq

Comby-mi atuisunut nukittuumik siunissamullu ungasissumut atuuttussamik attaveqarnissaq kissaatigineqarpoq. Tamanna Ida Linea Valdsgaardip ulluinnarni atuisunik oqaloqateqartarnerani ersertarpoq.

”Atuisunik attaveqartarneq nuannarilluinnagaraara. Atuisutta ilisarisimallualernissaat uannut pingaaruteqarpoq, taamaalilluta sianeraangata oqaloqatigiilluarsinnaasaratta. Oqaluttuassartaat ajornartorsiutillu suut siusinnerusukkut iluarsiivigisimanerigut eqqaamasinnaagaangakkit, taakkununnga qanoq isumaqartigisoq malugisinnaasarpara. Atuisut ilisarisimalluarnissaat naleqartittorujussuuara, taamaalillunga ajornartorsiut siarnutigisaat taannarpiaagaluarpalluunniit sapinngisamik pitsaanerpaamik misigisaqartinnissaat isumagisinnaagakku,” Ida nassuiaavoq.

Sullisanik kiffartuussinerpiaq Idap SPOC-itut sulinermini suliassatut pingaarnertut isigisaraa.

”Atuisut eqqorluinnartumik ikiorserneqarnissaat, aammalu sapinngisamik pilertornerpaamik suliassaataasa iluarsineqarnissaat isumagisussaavara.

Suliassarpassuit ataatsikkut ingerlassinnaaniarlugit supportsystemera Autotask ikiortigisarpara, tassanilu malittarisassat ingerlasussallu tamarmik allassimapput. Tassani qanoq iliornerluta, aammalu suliat oqaluttuassartaasa inissinnissaat qulakkeerniarlugu allattuiuartarpugut. Tassani suliassat assigiinngitsut ataqatigiissaarneqartussaapput malinnaaffigineqartussaallutillu, aammalu teknikerit, atuisunut eqqorluinnartumik maannarpiaq ikiorsiiniarlutik suliaqartut kikkuunersut ilisimajuaannarnissaat pingaaruteqarpoq”, Ida itisiliivoq.

SPOC

Piffissap nikinganera kiffartuussinermut iluaqutaavoq

Comby Kalaallit Nunaanni Danmarkimilu inuinnaat inuussutissarsiutinillu ingerlataqartut IT-mut aaqqitassaataannik sullissisarpoq. Nuummi Slagelse-milu allaffeqarnermi oqarasuaatit akisinnaanerisa sivitsorneqarnissaat ajornarunnaarsimavoq. Taamaattumik SPOC-imi sulisut piffissap nikinganera atorluartarpaat, aammalu nunat marluusut akimorlugit suleqatigiittoqartussaatillugu kiffartuussineq pitsaanerulersinneqartarpoq.

Nuup Slagelse-llu akornanni piffissaq nalunaaquttap akunnerinik sisamanik nikingavoq, taamaattumillu Kalaallit Nunaanni oqarasuaatit ammarnissaasa tungaannut atuisut kalaallit suliassaataat nukingiussaanngitsut suliarisarpakka. Kalaallit Nunaanni sulisut nal. 8.00 (kalaallit nalunaaqutaat malillugu) suliartoraangata piareereersimasarpunga, taamaalillutalu ataatsimoorluta suliassanik nutaanik tigooqqaasinnaalertarpugut.

Allaffinni marluusuni nunat akornanni suliassat ataatsimut isumagineqartarput. Danmarkimi nal. 8.00-16.00 (danskit nalunaaqutaat malillugu) allaffimmiittarpugut, taamaalillunilu kalaallit nal. 20.00 (danskit nalunaaqutaat malillugu) tikillugu allaffimmiittarput. Taamaattumik atuisut tamatigut nal. 8.00-200 akornanni pissarsiariuaannarsinnaavaatigut,” Ida nassuiaavoq.

Sulliffeqarfik atuisut pisariaqartitaannik salliutitsisoq

Comby-mi atuisut pisariaqartitaannik salliutitsinissaq qitiusumik naleqartitat ilagaat. Atuisut Comby peqatigalugu misigisaqarluarnissaannik qulakkeerinissaq sulisut pingaarnertut suliassaraat. Tamanna suliffeqarfimmi siunnerfiuvoq annertooq, aammalu tamannarpiaq Idap SPOC-imi sulinermini ilisarisinnaavaa.

”Siornatigut suliffigisarsimasannut assersuussissaguma, suliffeqarfiup Comby-tut sullitaminik pingaartitsitigineranik misigisaqarsimanngisaannarpunga. Tassani atuisoq eqqumaffigineqartorujussuusarpoq, aammalu atuisutta tamarmik toqqissisimanissaat, ajornartorsiutillu takkuttarneri malillugit sukkasuumik iluarsineqarsinnaanissaat pingaartinneqartorujussuupput,” Ida oqaluttuarpoq.

Idap oqarnera malillugu Comby aamma suliffeqarfiuvoq sulisuminik paarsilluartoq. Sulisut akunnerminni isumageqatigiinnerat ersarissumik malugisarpaa. Sulisut tamarmik ajunnginnissaat itisuumik soqutigineqarpoq.

”Maani Comby-mi suleqateqarpunga suleqatigisimasannit asanninnerpaanik. Ataqatigiilluarpugut nuannisaqatigiittarpugullu. Suliartorfissaq toqqissisimanartuuvoq iluarusunnarlunilu, aammalu ullut tamarluinnaasa makilluni suliartortarneq nuannerluinnartarpoq,” Ida naggasiivoq.

Sulisup ilisaritinneqarnera

Ateq: Ida Linea Valdsgaard

Ukiui:39 år

Najugaa:Peeqqanilu Slagelse-mi najugaqarput

Atorfik: Comby-p Slagelse-mi allaffiani SPOC (single point of contact)

IT-mik ingerlatsinermi ikiussavatsigit?

Qanoq iliorlutit suliffeqarfiutinni IT-mut ikiuisarnerup pitsaasuunissaa atasinnaanissaaluunniit anguniarlugu qulakkeerisinnaanerlutit suleqatissamik atorfissaqartitsivit?

Taamaappat uatsinnut attaveqarlutit suliffeqarfiutinni IT-mik ingerlatsinermi aaqqiissutissat pillugit pisussaaffiliinngitsumik oqaloqatiginninnissamut attaveqarsinnaajuaannarputit.

Ilanngutassiat kingulliit

Hardware-kiffartuussinertut: Tamanut aaqqiissut ataaseq

Hardware-kiffartuussinertut: Tamanut aaqqiissut ataaseq

Hardware-kiffartuussinerut - Hardware as a Service (HaaS) nutaamik aaqqiissutaavoq IT-p silarsuaani atorneqaleraluttuinnartoq - aamma pissuteqarluartumik. HaaS-imik periuseq arlalinnik pitsaaquteqarpoq leasingimik attartornermilluunniit isumaqatigiissutini siornatigut...