IT-p atukkavit avammut suliakkiunneratigut, suliffeqarfinni IT-p ingerlanneqarnera tamakkiisoq ilaannaasorluunniit immikkut ilisimasalinnut tunniutissavat. Oqaratta ‘tamakkiisoq ilaannaasorluunniit’ nammineerlutit IT-mik ingerlatsinermik avammut suliakkiininni immikkoortut suut avammut suliakkiissutiginiarnerlugit aalajangiisinnaanerit peqqutaavoq. IT-p immikkoortuisa suut avammut suliakkiissutigineqarnissaasa isumaqarnerinut, taamaattumillu IT-mik avammut suliakkiiffissamik, suliffeqarfinnut naleqarnerulersitsisussamik nassaarnissamut periarfissat suliffeqarfimmiit suliffeqarfimmut assigiinngillat. Tamannalu matumani misissuiffigissavarput.
Saqqummiussami matumani IT-mik ingerlatsinermi sullississutit suut avammut IT-mik pilersuisumut suliakkiissutigisinnaaneritit itisiliiffigaarput.
IT-mik ingerlatsinerup ilaanik avammut suliakkiineq isumaqartoq
Avammut suliakkiissaguit, nalinginnaasumik IT-mi suliassat illup iluani isumagineqarnissaannit allat pitsaanerusumik akikinnerusumillu isumaginnissinnaammata taamaaliussaatit. Taamaattumik suut naleqarnerulersitsissanersut, aammalu pisuni aalajangersimasuni suliffeqarfinnut ajornakusoortitsinnginnerussanersut naliliiffigineqartussaapput.
Matuma siuliani oqaatigineqartutut IT-mik ingerlatsinermi avammut suliakkiussat assigiinngitsuusarput – imaanngilaq tamarmik suliakkiunneqassasut suliakkiunneqassanngitsulluunniit. Tunngaviusumik IT atukkat avammut suliakkiussinnaavat, kisiannili aamma suliassat toqqartukkat kisiisa suliakkiissutigilluarsinnaavatit. Sulliffeqarfippit iluani IT-mut immikkoortortaqarfimmik angisuumik peqarpat, soorunami taassuma ilusia suliaffeqarfimmit sulisumik ataatsimik marlunnilluunniit IT-mik aallutaqartunik peqartumit allaaneruvoq. Tassalu suna suliffeqarfinnut isumaqarnersoq paasiniarneqartussaavoq.
IT-mi atukkanni pisariaqartitat unammilligassallu paasiniakkit
IT-mi suliassat tamarmik avammut suliakkiunneqarsinnaapput. Taamaattumik suliassattut siullertut suliffeqarfinni pisariaqartitat unammilligassallu suunersut misissussavatit. IT-mi pisariaqartitasi pingaarnerit suuppat? Assersuutigalugu IT niuerfinnut aningaasaqarnermullu pingaaruteqarpa; aamma naatsorsuutigineqartutut atorsinnaanngippat susoqassava? Tunngaviusumik suliffeqarfimmi IT-p ingerlanneqarneranut isumalluutit qanoq amerlatigisut pisariaqarpat, aamma IT atorsinnaatinnagu isumalluutit qanoq sunnerneqartarpat?
Suliassaqarfik taanna misissuiffigilerukku isarussat aningaasaqarnermut tappissut atisariaqarpatit tulleriiaarilaarlutillu misissuisariaqarlutit. Isumalluutit qanoq amerlatigisut IT-mik ingerlatsinermut atorneqarpiartarnersut tamanit ilisimaneqarneq ajorpoq, taamaattumillu avammut suliakkiiniarlutit aalajanginnginnanni isumalluutit qanoq amerlatigisut ullumikkut aammalu qanoq IT-mut atorneqartarnersut paasiniartariaqarpat.
Tamatuma saniatigut suliffeqarfiup iluani piginnaaneqarfiit suunersut paasiniassavatit. Tassani suleqatitit IT-mik suliaqartut IT-mik ingerlatsinermik tamarmiusumik, aammalu unammilligassanik takkuttartunik tamanik isumaginninnissamut piffissaqarnersut piginnaaneqarnersullu misissortariaqarpat. IT atukkat immikkoortunik asseqanngitsunik immikkulluunniit ittunik, suliassaqarfinnut immikkut ittunut suliffeqarfiup iluani sulisunik ilinniartitsinissamut taarsiullugu, immikkut ittumik piginnaanilinnik (avataaniittunik) nassaarnissaq iluaqutaasinnaavoq.
Comby-mi avammut suliakkiisoqannginnerani suliassat aallarniutaasut paasiniaaffiusullu paasiniarlugit annertuumik suliaqartarpugut, taamaattumillu illit uagullu suliffeqarfimmi IT pillugu tamakkiisumik paasinninnissarput qulakkeertarparput. IT-mi sullissinerit suut illumiiginnarnissaat aammalu suut avammut suliakkiuttariaqaritit pillugu pitsaanerpaamik siunnersuiniarluta taamaaliortarpugut.
IT-mi sullissinerit uku avammut suliakkiunneqarsinnaapput
Oqaatigineqareersutut tunngaviusumik IT-mi sullissinerit tamaasa avammut suliakkiussinnaavatit. Comby-mi immikkoortut avammut suliakkiunneqartartut marlunnut avittarpagut: Managed Services aamma Hosted Services.
Managed Services
Suliffeqarfiit amerlasuut IT-mik atukkaminnik ingerlatsinerpiaq atuisunullu ikiuunnerpiaq avammut suliakkiunniarlugu aalajangiuttarpaat. Tamanna Comby-mi ’managed services’-imik taasarparput. IT-mik ingerlatsinermi sullissinerput, kiisalu atuisunut ikiuuttarnigut managed services-ipput, taakkunanilu pineqarput:
- IT-mik ingerlatsineq – Taakkununnga attaveqaatinik, desktop-inik aamma server-inik nakkutilliineq, patch-management, antivirus aamma data-backup ilaallutik
- Atuisunut ikiuunneq
- Software-nik nutarterisarneq
- Printerisarneq
- Teknikkimut tunngasunik ikiuuttarneq siunnersuisarnerlu
Sullissinernit matuma siuliani taaneqartunit arlaat avammut suliakkiutissanerlugu nammineerlutit aalajangersinnaavat. Managed services-imik, suliffeqarfissinniit systeminik nammineq pigisaqarlusi IT pillugu immikkut ittumik isumaqatigiissutissi ilaattut toqqarsinnaasassinnik sullissisarpugut.
Hosted Services
Aamma suliffeqarfippassuit hosting aqqutigalugu hardware-mut atortuminnik avammut suliakkiinissaq kissaatigisarpaat. Taakku ’hosted services’-inik taasarpagut, taakkunanilu pineqarput:
- Webhotel
- Microsoft365
- Serverhosting nalinginnaasoq
- Webshop aamma akiliisarnermi aaqqiissutissat
Sullissinerit sorpiaat – hosted imaluunniit managed – avammut suliakkiissutigineqarnissaannik aalajangiinissannut, suliffeqarfippit iluata ilusiata isumalluutillu qanoq isikkoqarneri apeqqutaasussaapput (tamanna immikkoortumi matuma siulianiittumi tikipparput). Ilaasa hosting tamaat avammut suliakkiissutiginiarlugu, kisiannili ingerlatsinerup illup iluaniitiinnarniarlugu toqqartarpaat, allalli paarlattuanik toqqaasarput, taammalu allat kattussiniarlutik toqqaasarlutik. IT-mi pilersuisup pitsaasup suliffeqarfinnut immikkut aaqqiissutissamik pitsaanerpaamik ujarlerninni ikiorsinnaavaatit, aaqqiissutaasorlu ingerlaavartumik iluarsineqartuaannartussaavoq.
IT-mi sullissinerit arlaat avammut suliakkiussinnaanerlugu imaluunniit suliakkiuttariaqarnerlugu suli nalorniguit uagutsinnut attaveqarnissamut tikilluaqquneqarputit. Attaveqarfigisinnaavatsigut, uunga.
E-bog akeqanngitsoq:
Apeqqutit sisamat IT-mi ingerlatsinermik pitsaasumik qulakkeerinnittut
E-bog akeqanngitsoq aajuk, taanna IT-mik ingerlatsinerit qulakkeerusukkukku apeqqutinik sisamanik akisassannik imaqarpoq. E-bog-ip IT allanut suliakkiunnerani kiisalu kikkunnit sullinneqassanerlutit toqqaanissannut sorpiaat nakkutigissaneritit sammivai.
Ilanngutassiat kingulliit
IT-mik isumannaallisaanerit pitsanngorsaruk: Suliffeqarfinnut hackerinerit pinaveersaartikkit siunnersuutit uku atorlugit
Danmarkimi suliffeqarfinnut hackerilluni saassussinerit amerliartorput. Suliffeqarfiit 25 %-ingajaat 10-49-nik sulisoqartut IT-mik isumannaallisaanerat 2021-p ingerlanerani ajoquserneqarput. SMV Danmarkimit misissuinerup tamanna takutippaa. Comby-imi tamanna uagut...
Backupit ajunnginnersiq qanga kingullermik takuiuk?
Suliffeqarfivit pisariaqanngitsumik ajutooqqanissaa aningaasatigullu annaasaqarnissaa pinngitsoortiguk eqqarsaatigilluakkamik misilerarluarneqarsimasumillu backupimut periuseqarnikkut. Sunaluunniit pissutaagaluarpat paasissutissanik annaasaqarneq ajornartorsiutaavoq...
Pisiniartartumut assersuut: IT-mik aaqqiissutit nutaaliaasut ingerlatsinerlu isumannaatsoq CHYMEIAp IT-mik ilusilersorneranik pitsanngorsarpaat
CHMYMEIA akuutissanik aqutsinermut akuutissallu pillugit isumannaallisaanermut allagaatilerinermut softwarenik inerisaasarpoq. Taamaammat sivisuumik ajutoorani ataavartumik ingerlatsisinnaanera aalajangiisuulluinnarpoq pisisartunut aaqqiissutissanik...