Sermersuup suleqatigineqarnera: Pisoqannginnerani siunnersuisarneq aaqqiissutissallu anguniagaqarfiusut IT-mik ingerlatsinermik pitsaasumik pilersitsiviupput

Mar 11, 2021 | Cases

Comby-imi Nunatsinni kommunit annersaanni Sermersuumi IT-mik ingerlatsinermut akisussaaffik 2014-imili tamakkiisumik tiguarput. Isumaqatigiissut tamanut neqerooruteqartitsineq tunngavigalugu isumaqatigiissutigineqarpoq, tassanilu Sermersooq IT-mik ingerlatsineq uatsinnut suliakkiutiginiarlugu aalajangerluni. Tamanna soorunami tulluusimaarutigeqaarput, suliamilu tassani paasivarput, Sermersuup uagut sooq toqqarsimaneraatigut, suleqatigiinnerpullu sooq taama ingerlalluartiginersoq.

Sermersuup IT-mut immikkoortortaqarfiata aaqqissuussaanermi piumasaqaatit taamani naammassiniapiloorpai, tamatumalu peqatigisaanik kiffartuussinermut naleqqiullugit aningaasartuutit amerlavallaarlutik. Avammut neqerooruteqartitsinermi IT-mik suliassaqarfimmi pitsannguinissamik aningaasartuutikillisaanissamillu Sermersooq taamaammat ersarissumik kissaateqarpoq. Kissaammik taassuminnga Comby ullumikkut naammassinneqataavoq.

Avammut suliakkiineq IT-mik ingerlatsinermik pitsanngorsaavoq

Sermersuup IT-mik ingerlatsinermik illup avataanut inissiinissamik avataaniillu sullissisumut tunniussinissamik kissaateqarneraniit maanna ukiut arfinillit ingerlareerput. Taamani tamanut neqerooruteqartitsiniarluni aalajangerpoq, tassanilu iluatsitsilluta ajugaavugut. Comby-ip Sermersuullu suleqatigiinnerat ukiuni arfinilinni ingerlareerpoq, angusallu imminerminni oqaluttuarlutik.

Sermersuumi IT-mik ingerlatsineq ullumikkut pitsaanerungaatsiarpoq, aningaasartuutit ikilisinneqarsimagamik, tamatumalu peqatigisaanik kiffartuussineq siuariarsimalluni. Sermersooq avammut suliakkiilluni uatsinnik suleqateqarnini suli ukiunik arfinilinnik ilaniarlugu taamaattumik aalajangerpoq.

”Ukiut arfinillit matuma siornatigut IT-mik ingerlatsinermik illup avataanut inissiiniarluta aalajangerattali, IT-mut aningaasartuutigut ikilisingaatsiarpagut, tamatumalu peqatigisaanik kiffartuussineq qaffassimallutigu. Taamaattumik aqqutip taassuma atuaannarnissaa pissusissamisoorpoq. Ammasumik naapertuulluinnartumillu neqeroortitseqqippugut, tassanilu aamma piumasaqaatit aalajangersakkagut tunngavigalugit Comby ajugaaqqippoq,” Gerth Jakobsen, Suliffeqarfimmi Kiffartuussinermut Digitaliseeriinermullu Pisortaq oqaluttuarpoq.

Sermersuumi IT-mik ingerlatsinermik ukiuni arfinilinni isumaqatigiissutip atuuffiani pisoqaraangat iliuuseqartarnermiit pisoqannginnerani suliniuteqartarnissamut ingerlariaqqinnissaa Comby-imit kissaatigisimavarput. Ilaatigut tamatuma kingunerisaanik Sermersooq sapaatit akunneranut ataasiarluni arlaleriarluniluunniit ingerlatsinermi ajornartorsiuteqartarsimanermiit, maanna atortuni, Comby-ip ingerlatsinermi akisussaaffigisaanni ukiumut unittoornerit taamaallaat 0,7 pisarput. Tamatuma peqatigisaanik unittoornerit ullut arfineq marluk tikillugit sivisussuseqartarsimasut, ullumikkut nalunaaquttap akunneri tallimat inorlugit sivisussuseqartalerput. Taamatullu piffissaq qisuariarfiusartoq minutsinut 20-nut appartinneqarpoq, piffissarlu iluarsiiniarnermut atorneqartartoq agguaqatigiissillugu nalunaaquttap akunnerinik arfinilinnik taamaallaat sivisussuseqartarluni, siullermik isumaqatigiissummi ullut suliffiusut pingasut anguniagassatut aalajangersarneqarsimagaluarlutik. Taamaattumik ataatsimut isigalugu Sermersooq IT-mik ingerlatsinermi siuariangaatsiarpoq, tamannalu aaqqissuussaanermut tamarmiusumut tapertaaqataavoq. Tamannalu Comby-imiit soorunami tulluusimaarutigeqaarput.

 

s

Fra flere ugentlige drifts-problemer til 0,7 systembrud pr. år

}

Fra en nedbruds-varighed på syv dage til under fem timer

Responstiden er nedbragt til 20 minutter

Den gennemsnitlige løsningstid er nedbragt til seks timer

Comby-imimi IT-mik suliaqarnitsinni atuisut ataasiakkaat tamarmik IT-mik ingerlatsinerinik pitsaanerulersitsinikkut nalilinnillu pilersitsinikkut niuerfiinut tapertaanissaq siunnerfigaarput. Atuisunut apeqqutigisartagarput siulleq tassaavoq: ‘IT aaqqissuussaanermi suliffigisanni sumut atorneqarpa?’. Taamatorpiaq isummerneq Sermersuumut tulluussimavoq, ullumikkullu qanittumik oqaloqatigiinneq suleqatigiinnerlu, suleqatigiinnitsinni misigisimasartik pingaartippaat.

”Siullermeerluta avammut suliakkiinialeratta pitsaassuseq apeqqutaatinneqarpoq. Suliffeqarfiup iluani IT-mut immikkoortortaqarfiup pitsaasumik pikkorissumillu sulisinnaassusiata amigarnera, ingerlatsinerullu akisuallaarnera peqqutaapput. Comby-imik suleqateqarnitsinni pitsaassuserput kiffartuussinittalu inissisimanera qaffatsippagut aningaasartuutillu ikilisillugit, suliarlu tamakkerlugu qanittumik oqaloqatigiissimanerput tamatumunnga peqqutaavoq”, Gerth Jakobsen oqaluttuarpoq.

Comby-imi Sermersuumut pisoqartinnagu iliuuseqarnissamik siunnersuisarneq, niuernerup ingerlaneranut tapertaasussaq sulineq tamakkerlugu aallussimavarput. Sermersuup aqutsisuinut ingerlaavartumik oqaloqatiginninnikkut, Comby-imi siunnerfittut aalajangerneqartut kiffartuussinermullu piumasaqaatit ingerlaavartumik, taamaalillutik Sermersuumut pitsaanerpaamik tapertassanngorlugit qaffattarpagut.

Nalillit oqaloqatiginninnermi pinngortarput

Comby-imi Sermersuumut attaveqarnermik nukittuumik piffissamullu ungasissumut atuuttussamik pilersitsinissarput aallaqqaamulli kissaatigisimavarput. Neriorsuutitta tunniunnissaa tamatumani aamma pisariaqarsimavoq. Tamatuma peqatigisaanik ingerlaavartumik ineriartornissarput pisariaqarsimavoq – soorlu Sermersooq aamma taamaattoq. Atuisup niuerfii ataqqisorujussuuagut, tamannalu taakkununngarpiaq qanoq isumaqarnersoq paasissallugu uatsinnut pingaaruteqarsimalluni.

”IT-mik ingerlatsineq pitsaasoq uatsinnut tassaavoq, IT-p pigisavit aaqqissuussaanermi suliffigisanni niuernermi suleriaatsinut tapertaanissaa. Taamaattumik pioreersunut unammillertitsinissarput atorfissaqanngitsunillu piiaanissarput, taamaalillunilu sullitatta IT-mut aaqqiissutissanut, niuerfimminnut naleqalersitsisussanut aningaasanik taamaallaat atuilernissaat ersiginngilarput,” Brian Torp, Comby A/S-imi CEO oqarpoq.

Sermersuup IT-mut aaqqissutaa suliffeqarfiup pisariaqartitarpiaanut taamaammat naleqqussagaavoq. Tassani aaqqiissutissat taamaallaat atortunik pisariaqartinneqartunik imaqarnissaat, taamaalillunilu immikkoortunut sullissinernullu pisariaqanngitsunut piffissamik isumalluutinillu atuisoqannginnissaa pingaaruteqarpoq. Tamanna pissutigalugu suliap ingerlanera tamakkerlugu Sermersuup qanittumik oqaloqatigineqarnera ingerlaavartumillu suleqatigineqarnera pingaaruteqarsimavoq. Uagut Sermersoorlu taamatut isumaqarpugut.

”Comby-imik suleqateqarnitta ingerlalluarneranut qanilluinnartumik oqaloqatigiittarnitsinnik peqquteqarpoq. Neqerooruteqartitsinerni marluusuni qilersorsimanngitsumik suleqatissarsiorfiusumillu attaveqarnissamik kissaateqarnerput piumasaqaataavoq. Tamanna Comby-ilu anguarput. Isumaqatigiissuterput isumaqatigiissutitut nalinginnaasutut ilusiligaanngilaq; annertunerusumik immikkoortitigaanngilaq, taamaattumillu pissutsit pillugit oqaloqatigiittorujussuusinnaavugut, Comby-illu aaqqissuussaanitsinnik paasinninnissaa piumasaqaataalluni. Ingerlaavartumik oqaloqatigiinnerput suleqatigiinnerpullu uatsinnut isumaqartorujussuuvoq, taamatullu anersaaqarneq Comby-imut tulluuttorujussuulluni,” Gerth Jakobsen nassuiaavoq.

Isumaqatigiissutip eqaatsumik ilusilikkap saniatigut Sermersuup neqerooruteqartitsinermini kingullermi IT-mut aaqqiissutaasussami ingerlatsinerup isumannaatsuunissaanut aningaasaqarnermullu aamma piumasaqaateqarpoq. Tassani Sermersuup kissaatigisaa Comby-imiit aamma naammassisinnaasimavarput.

”IT-p isumannaatsuunissaa pingaarnerpaatitatta ilagaat, misilittakkagullu malillugit Comby-ip tamanna naammassisinnaagaa ilisimavarput. Aamma tassani uatsinnik ilisarisimannilluarnerat soorunami uppernassusiannut neqeroorutaannullu sunniuteqarput,” Gerth Jakobsen erseqqissaavoq.

Isumaqatigiissut naatsumik: Sermersuumi sulliviit 4.500-t missaanniipput serverillu 120-ullutik, taakkulu tamarmik Comby-mit 2014-imili ingerlanneqarsimapput allanngutsaalineqarsimallutillu. Tamatuma saniatigut Sermersuumi host centerit sisamat kommunimut siammarneqarsimapput. Taakku aamma Comby-mit ingerlanneqarput allanngutsaaliorneqarlutillu.

Kommuneqarfik Sermersooq Kalaallit Nunaanni kommuniuvoq, 22.738-nik innuttaasoqartoq, taamaattumillu innuttaasut uuttuutigalugit Kalaallit Nunaanni annersaalluni. Kommunimi illoqarfiit annersaat tassaavoq Nuuk, Kalaallit Nunaanni illoqarfiit pingaarnersaattut inissisimanermi saniatigut 17.796-inik innuttaasoqartoq. Kommunimi illoqarfiit nunaqarfiillu sinneri Kalaallit Nunaata kitaani Tunumilu sinerissami siaruarsimapput.

IT-mik ingerlatsinermi qanoq iliorlutit pitsaanerusunik angusaqarnissamut ikiussavatsigit?

Suliffeqarfinni IT-mik pitsaasumik ingerlatsineq qanoq qulakkeerneqarsinnaanera pillugu siunersioqateqarnissamut pisariaqartitsivit?
Taamaappat uatsinnut attaveqarnissamut suliffeqarfivillu IT-mik ingerlatsinermut aaqqiissutaa pillugu pituttuinngitsumik oqaloqateqarnissamut tikilluaqqusaavutit.

Ilanngutassiat kingulliit

Hardware-kiffartuussinertut: Tamanut aaqqiissut ataaseq

Hardware-kiffartuussinertut: Tamanut aaqqiissut ataaseq

Hardware-kiffartuussinerut - Hardware as a Service (HaaS) nutaamik aaqqiissutaavoq IT-p silarsuaani atorneqaleraluttuinnartoq - aamma pissuteqarluartumik. HaaS-imik periuseq arlalinnik pitsaaquteqarpoq leasingimik attartornermilluunniit isumaqatigiissutini siornatigut...