IT-mik ingerlatsineq pitsaasoq suua aamma qanoq iliorlutit qulakkeerisarpit?

Mar 11, 2021 | IT-mik

‘IT-mik ingerlatsineq pitsaasoq’ taagaangatsigu qanoq isumaqartarpugut?

IT-mik ingerlatsineq pitsaasoq siullertut pingaarnertullu pissutsit siunertaq atorfissaqartitsinerlu malillugit ingerlanerinik isumaqartarpoq. Tamanna IT-mik ingerlatsinermik, naatsorsuutigeriinngisanik pisoqarfiunngitsumik unittoorfiuallaanngitsumillu annilaanganannginnerusumik isumaqartarpoq.

Tamatuma saniatigut IT-mik ingerlatsinermik pitsaasumik oqaraangatta toqqaasinnaanermik piiaasinnaanermillu isumaqartarpugut. IT-mut aaqqiissutissat suliffeqarfinni pisariaqartitanut aalajangersimasunut naleqqussarneqarsimasussaapput, taamaattumillu atortussanik atorfissaqartitaannarnik imaqartussaapput. Tassalu IT-mik ingerlatsineq pitsaasoq atorfissaqartinngisanik piiaaffiusussaavoq, taamaattumillu imikkoortunut sullississutinullu atorfissaqanngitsunut piffissamik isumalluutinillu atuiffiusussaanani.

Pisortatta Stefan-ip videoliarineqarnerani ‘IT-mik ingerlatsineq pitsaasoq’-mi nassuiaat naatsoq takuuk.

IT aaqqissuussaanermi suliffigisanni sumut atorneqarpa?

Apeqqut siulleq, sullitatsinnut tamanut saqqummiunneqartartoq tassaavoq ‘IT aaqqissuussaanermi suliffigisanni sumut atorneqarpa’?

IT aningaasartuutaannartut, sapinngisamik appasinnerpaamik aningaasartuuteqarfiusussatut isigineqarpat, aaqqissuussaanermi nalinginnaanngitsorujussuarmi issiasimassasutit ilimanarpoq, imaluunniit IT-mut isiginneriaasersi allaasimassaaq. Immaqa kipparippallaartutut nipeqarsinnaavoq, kisiannili “karsimi” tassani inissisimaguit atuaannarit, isumarpullu ilinnut saqqummiunniaripput takuuk.

Isumaqarpugummi IT sakkussatut arlalittut, niuernermi suliannut tapertaasinnaasutut isigineqartariaqarpoq. Pitsaanerulersitsisinnaavoq, akikinnerulersitsisinnaavoq, sukkanerulersitsisinnaavoq isumannaannerulersitsisinnaallunilu. IT aaqqissuussaanermi suliffigisanni sulianut tapertaasoq isumaqaruit, IT pitsaasoq ornillualereersimassavat.

Taamatut isumaqarneq aallaavigalugu IT-mut immikkoortortaqarfiup suliffeqarfimmi periusissat, takorluukkat suliallu ingerlanissaat siunnerfigisariaqarpaa. Taamaattoqanngippat taakku aallartiffigissavasi. Aaqqissuussaaneq suliffigisat qanorluunniit angitigigaluarpat, avataaniit IT-mut periusissanik suleriaasissanillu ikiorneqarnissaq tamatigut isumassarsiatsialaasussaavoq, IT-mut akisussaasuusup IT-mut takorluukkat qanoq iliorluni pitsaanerpaamik taperserniarlugit kinaassusersiunngitsumik ilivitsuusumillu takunnissinnaanera ajornakusoorsinnaammat.

IT atukkat niuerfinnut tapertaasussaavoq

Uatsinnut IT-mik ingerlatsinermi pitsaasumi, IT-p pigisavit suliffeqarfiutinni niuerfiit ingerlasarnerinut tapertaanissaa pingaaruteqarpoq – annerusumik minnerusumilluunniit. IT-mut tunngasut sorpassuit, niuerfinnut naleqanngitsut pigigukkit, allanngutsaaliuinermut piffissamik aningaasanillu pisariaqanngitsumik atuisarsimassasutit ilimanarpoq, aammalu taakku pinngitsoorsinnaassagitit ilimanarsinnaavoq. Taamaattumik aamma atuisugut piiaanerini ikiorsinnaavagut, atortullu piffissamik atuiffiusut suliffeqarfimmut nalilinnik pilersitsiviunissaat qulakkeersinnaallutigu.

IT-mik ingerlatsineq nuannersuusinnaavoq

Tamatta nalunngilarput, pissutsit pissusissamisut ingerlasinnaanngikkaangata qanoq uuminartigisartoq. Allaammi IT atorsinnaatinnagu tamanna ilaanut niuernermut ajornartorsiortitsisinnaavoq, taamaattumillu aamma IT-p pigisavit atorsinnaanissaa atorfissaqartikkaangakku, IT-mik ingerlatsinerup pitsaasuunissaa pingaaruteqarpoq. Inuit amerlasuut isaanni IT-mik ingerlatsineq suliassatut pissanganarpallaanngilaq.

Kisianni uagutsinnut taamaappoq. IT-mik ingerlatsinerpit sapinngisamik ajornartorsiorfiunnginnissaa, ilinnullu piffissamik atuiffiuallaannginnissaa uatsinnut pissanganartuuvoq nuannersuullunilu. Tamanna ilaatigut siulliulluta suliniuteqartarnitsigut, aammalu aningaasassarititaasut aalajangersimasut iluanni sapinngisatsinnik ingerlaannartitsinitsigut qulakkeersinnaavarput. Atuisugut pillugit sapinngisamik annikinnerpaamik tusagaqarusuttarpugut, tamannami akornusersuutit ikinnerinik pissutsillu ingerlanerinik isumaqarmat. Tamannalu pitillugu IT nuannersorujussuartut misigineqarsinnaavoq.

Suliffeqarfiup iluaniit IT-mik ingerlatsineq avataaniit aqutsinermut sanilliullugu

IT-mik atuinissamik illullu iluaniit ingerlatsinissamik, imaluunniit avataaneersumik suleqateqarnissamik oqallinnissamut sangutippaatigut. Tassani suleqateqannginnissaq suleqateqarnissarluunniit oqallisaasariaqanngilaq.

Eqqarsariarta, aaqqissuussaanermi suliffigisanni IT-mut takorluukkat periusissallu inissereersimagitit, aammalu taakku sapinngisamik pitsaanerpaamik niuernikkut tapertarigitit. Taamaalilluni naleqarnerpaanik pilersitsiniarlutit iliuusissat suut atortariaqarneritit misissussallugu piffissanngorpoq – uani eqqarsaatigaagut, Cloud-imut inissitassat avammut suliakkiussassat suuppat aamma suut suliffeqarfiup iluani isumagineqassappat? Illiuusissanut aaqqissuussaanermi suliffigisanni pitsaanerpaanut tunngavissat arlalippassuit, aaqqissuussaanermut suliffigisannut immikkoorutillit apeqqutaassapput. Amerlanertigulli akuleriissitsisarneq aaqqiissutissatut pitsaanerpaasarpoq.

IT-oursourcing vs. inhouse IT | Comby

Avammut suliakkiineq suliffeqarfinnut naleqalersitsissava?

Isumalluutit qanoq amerlatigisut aaqqissuussaanermi IT-mi unammilligassanut atortariaqartarnerat amerlanertigut pisortat tupassutigisarpaat. Taamaattumik suliffeqarfiup isumalluutai qanoq atorneqarnersut paasissallugu pingaaruteqarpoq. Sulisup immaqa piffissani IT-mut atortariaqanngikkaluarlugu piffissaq IT-mut atortagaa qanoq akeqarnersoq akuttunngitsumik takunngitsoorneqartarpoq. Tamatumani IT-mik ajornartorsiuteqarnerup aaqqinnissaanut utaqqinermi piffissaq tamaangaannartitaq, aammalu piffissaq IT-mik ajornartorsiuteqarnermi piffissaq atorneqartartoq eqqarsaatigineqarput.

Avammut suliakkiiniarnerup nalinga naliliiffigilerukku, IT-mut immikkoortortaqarfiup ullumikkut piffissaq aningaasallu atortagai ilisimassallugit pingaaruteqarpoq. Piffissaq eqqortunik suliaqarnermut atortarpaat; aamma IT-p immikkoortui ataasiakkaat qanorpiaq akeqarpat? Ilinniartitaaneq

Aningaasartuutit amerlanersaasa ingerlatsinermut allanngutsaaliuinermullu atorneqartarnerat, aammalu IT-mi niuerfiup tapersersorneqarneranut isumalluutinik ikittuinnarnik atuisoqartarnera akuttunngitsumik takuneqartarpoq. Kisianni IT-mut sullissinerit naammassineqartut naatsorsuutigisamik naleqarnersut, imaluunniit niuerfimmut tapersiiniarluni nutaanik pitsaanerusunillu atuisoqalissanersoq isummerfigissallugu pingaaruteqarpoq.

Inerniliissutitut oqarsinnaavugut IT pitsaasoq tassaammat IT nalilinnik pilersitsiviusoq, niuerfimmut tapertaasoq aammalu atorfissaqartitsilerninni atorsinnaasoq. Qanoq iliorlutit IT-mik ingerlatsinermik pitsaasumik qulakkeerisinnaanerlutit suleqateqarnissaq pisariaqartikkukku uunga attaveqarfigisinnaavatsigut.

Ilanngutassiat kingulliit