Printerinik ajornartorsiuteqarneq qatsuppiuk?
Maanna Comby-miit PrintBy pissarsiarisinnaalerpat!
Printerit attartoruk – suliffeqarfinnut printereqarneq naleqqussagaq sullinneqarneq tonerillu ilanngullugit.
Printerinik passussissaarneq tonerillu akisuut pisiortorunnaarneri.
Akunnerpassuit printerip ikkussuunneranut atugassaraluit pisariaarutissapput, uagummi tamanna isumagissavarput taamaasillutit aallutassatit pikkoriffitillu aallussinnaalissavatit.
Comby Canon suleqatigalugu PrintBy neqeroorpaa. Naatsumik oqaatigalugu printeri attartussavat suliffeqarfinnut tulluarsarlugu aaqqissuussaq. Qaammammut aaliangersimasumik atuinerit naapertorlugu akiliisassaatit.
Comby-miit PrintBy atorukku uagut atorsinnaanera akisussaaffigissavarput – ikkussuunnera, piareersarnera sullinneralu isumagissavarput. Maskiinap tonerimik nunguttuunnginnerani nutaamik nassissavatsigit. Printerimilu ajortoqassappat sullissisumik nassiussissaagut, ajoqullu aaqqinneqarsinnaassanngippat nutaamik taarsissallugu.
Tassa imaappoq suliffeqarfivit printerimik atorsinnaajuaannartumik peqarnera isumagissavarput qaammammut aaliangersimasumik akilimmik.
PrintBy qanoq periuseqarpa
Sooq piginnissavit attartuisinnaaguit? PrintBy atorlugu suliffeqarfinnut naleqqussakkamik printerimik attartuinissaq pissarsiarissavat, taamaasillutit printerineq, scannerineq kopeerinerlu ingerlassinnaassallugu.
Maskiinat pingasut akornanni atorfissaqartitatit naapertorlugit aaliangiissaatit. Printerissat nassaarereerukku tonerinut sullinneqarnissamullu piffissaq aaliangissavat. Isumaqatigiissutit atuunnissaa qaammatit 48-ut 60-illu akornanni sivisussuseqarnissaa nammineq aaliangissavat, minnermillu akiliuteqarnikkut atorunnaarsittuaannarsinnaallugu. Piffissaq sivisuneruppat qaammammut akiligassaq annikinnerussaaq. Isumaqatigiissummik allaanermik atorfissaqartitsiguit tamanna soorunalimi isumaqatigiissutigisinnaavarput.
Immersugassaq immersoruk PrintBy-lu pillugu paasissutissanik nassitsillutit.
Attartuinermi iluaqutit
PrintBy
Ajornanngitsoq atoruminartorlu
Isumaqatigiissut paasiuminartoq tulluussaqqinnissamut periarfissaqartuaannartoq pituttorfiunngitsorlu.
Aningaasaliinerit annikitsut – Attartuinermi aningaasaliinerit sipaassavatit. Taarsiullugu qaammammut aaliangersimasumik akiliisalissaatit.
Sullinneqarneq Comby pikkorissunik teknikerinik sullissisussanik piareersimasuuteqarpoq ikkussuinissamut piareersaanissat sullissinissamullu pareersimasunik. Ajornartorsiuteqalissappat sulisoq nassiunneqassaaq printeriluunniit nutaamik taarserneqassalluni.
Pitsaassuseq annertooq – Printerit Canon-imiit tunniunneqassapput, annertuumik pitsaassusilittut atoruminartutullu nalunnginneqarluartut. Printerit arlalinnik pisinnaasallit allanngujaatsut ingerlatsinermilu anertuumik isumannaassuseqartutut nalunnginneqarluartut.
Comby kikkuuppat?
Canon kikkuuppat?
Kikkuuvugut soorlu uagutsinnit sullinneqassavit?
Comby A/S IT iluani suliaqarluni suliffeqarfiuvoq 2000-mi suliffeqarfiit pioreersut unammillerusullugit pitsaanerusumillu sullisserusullutik pilersinneqartoq. Aallartikkattali Kalaallit Nunaanni allaffeqarpugut, suliffeqarfinnullu namminersortunut pisortanullu IT iluani inernernik tunniussisuulluta. Maannalu aamma Danmarkimiilersimalluta. Maaji 2020-mi Slagelse-mi allaffimmik ammaavugut tassanngaanniillu aamma sullissilerluta.
Ukiorpassuarni IT ingerlannera IT-milu sullissineq suliarisuusimavarput sulilu nuannareqalugu. Sullissilluarneq siunnersuilluarnerlu aallutaraagut, tamannalu elektroniskiusumik atuakkiarput atuarukku malugisinnaassagit neriuutigalugu.
Canon kikkuummappaa soorlu tunisassiaat annertuumik pitsaassusilittut naqissusernikuuppat?
Canon ukiut 80-it sinnerlugit misilittagaqartuupput, atuisunut, B2B aammalu industriini digitaliusumik assinik suliaqarnerup iluani tunisassiortuni pitsaanersaallutik. Sulimernimmi teknologi ineriartornerlu aalluttuarsimavaat, periarfissanullu nutaanut ammajuarlutik. Taamaasillutik periarfissat nutaat printerinerup iluani annertusisuarpaat arlalippassuarnilu pitsaanerpaatut nersornaaserneqarsimallutik. Canon Europa tamakkerlugu ilisimatuutut misissuiffeqarput, Tysklandimilu nutaaliorfissuarmik pilersitsisimallutik tassanilu printerit systemiini inernernik ilisimatuutut misissuisarlutik.