Sukkassutsimik misilittaanissamut ilitsersuut

Sukkassutsimik iluamik takutitsilluarsinnaasumik misilittaanissannut PC bærbar-iluunniit atoruk, wifi-ikkut attaveqarnak kisiannili LAN-kaabili atorlugu internettimut attaveqarit. Wifi atorlugu internetternermi wifi silaannakkut nassiunneqarnerani iikkat silittut, routerip ungasippallaarnera allallu ajoqusersuisinnaasut sukkassutsivit eqqunngitsumik takutissinnaammassuk. Taamaammat sukkassutsimik misilittaatinnak qulakkeeruk LAN-kaabili atorlugu attaveqarnerlutit.

Taassuma saniatigut computerinni aallinnginnerit qulakkiissavat, aallernerit (download) sukkassutsimik takutitsinermi eqqunngitsumik takutitsisinnaammata.

Aallartitsinnak atortut internettimut attavillit tamaasa qamikkit. Computerimi misittaaffissanni programmit internettimik atuisut qamititissapput, assersuutigalugu Netflix, Spotify browserillu internettersutigisartakkatit.

Qarasaasiat, TV atortullu allat internettimik atuisut qamikkit.

Qulakkiilaassavattaaq aamma kaabilit routerinniit computerimut eqqortumik ikkussuusimassasut.

Imannak sukkassutsit misilittassavat:

  1. www.speedtest.net browseri internettersutigisartakkanni iserfigiuk
  2. Change Server tooruk
  3. Taastrup allaguk
  4. Taastrup – Dansk Net A/S toqqaruk
  5. GO tooruk, pingasoriarlutillu speedtesterigit
  6. Results tooruk
  7. Export Results tooruk
  8. Uunga e-mailimik nassiussigit internet@comby.gl ukua ilanngullugit:
    • Fil toqqoqqammikkat (speedtest-ulloq.cvs -mut assingusumik ateqarpoq)
    • Ajornartorsiutip nassuiarnera
    • Atit
    • Kundenormut
    • Telefonnormut attavigisinnaaniassavatsigit