Sermersuup suleqatigineqarnera: Siulliulluni siunnersuisarneq aaqqiissutissallu anguniagaqarfiusut IT-mik ingerlatsinermik pitsaasumik pilersitsiviupput

Mar 11, 2021 | Cases

2014-imili Comby-mi Sermersuumi, Nunatsinni kommunit annersaanni IT-mik ingerlatsinermut akisussaaffik tamakkiisumik tiguarput. Isumaqatigiissut ammasumik neqerooruteqartitsineq tunngavigalugu isumaqatigiissutigineqarpoq, tassanilu Sermersooq IT-mik ingerlatsineq uatsinnut suliakkiissutiginiarlugu aalajangerpoq. Tamanna soorunami tulluusimaarutigeqaarput, suliamilu tassani paasivarput, sooq Sermersuup uagut toqqarsimaneraatigut, aammalu sooq suleqatigiinnerput taama ingerlalluartiginersoq.

Taamani Sermersuumi IT-mut immikkoortortaqarfik aaqqissuussaanermi piumasaqaatit naammassiniapiloorpai, tamatumalu peqatigisaanik aningaasartuutai kiffartuussinermut naleqqiullutik annertuallaarput. Taamaattumik Sermersooq avammut suliakkiinermini IT-mik suliassaqarfimmi pitsannguinissamik aningaasartuutinillu ikilisitsinissamik ersarissumik kissaateqarpoq. Kissaatip taassuma naammassinissaa ullumikkut Comby-mi naammassineqataaffigaarput.

Avammut suliakkiineq IT-mik ingerlatsinermik pitsaasumik pilersitsiviuvoq

Sermersuup IT-mik ingerlatsinermik illup avataanut inissiinissamik aammalu avataaniit sullissisumut tunniussinissamik kissaateqarneraniit maanna ukiut arfinillit ingerlareerput. Taamani ammasumik neqerooruteqartitsiniarlutik aalajangerput, tassanilu iluatsitsilluta ajugaavugut. Comby-p aamma Sermersuup suleqatigiinneranni ukiut arfinillit ingerlareerput, aammalu angusat imminerminni oqaluttuarput.

Sermersuumi ullumikkut IT-mik ingerlatsineq pitsaanerungaatsiarpoq, aningaasartuutit ikilisinneqarsimagamik, tamatumalu peqatigisaanik kiffartuussineq siuariarsimalluni. Taamaattumik Sermersooq avammut suliakkiinermini uatsinnik suleqateqarnini suli ukiunik arfinilinnik ilaniarlugu aalajangerpoq.

”Ukiut arfinillit matuma siornatigut IT-mik ingerlatsinermik illup avataanut inissiiniarluta aalajangerattali, IT-mut aningaasartuutigut ikilisingaatsiarpagut, tamatumalu peqatigisaanik kiffartuussineq qaffassimallutigu. Taamaattumik aqqutip taassuma atuaannarnissaa pissusissamisoorpoq. Ammasumik naapertuulluinnartumillu neqeroortitseqqippugut, tassanilu aamma piumasaqaatit aalajangersakkagut tunngavigalugit Comby ajugaaqqippoq.” Gerth Jakobsen, Suliffeqarfimmi Kiffartuussinermut Digitaliseeriinermullu Pisortaq oqaluttuarpoq.

Ukiuni arfinilinni isumaqatigiissutip atuuffiani Comby-miit Sermersuumi IT-mik ingerlatsinerup iliuuseqarfissamiit siulliulluni suliniuteqarfissamut siuartinnissaa kissaatigisimavarput. Ilaatigut tamatuma kingunerisaanik Sermersooq sapaatit akunnerannut ataasiarluni arlaleriarluniluunniit ingerlatsinermi ajornartorsiuteqartarsimalluni, maanna taamaallaat atortuni, Comby-p ingerlatsinermi akisussaaffigisaani ukiumut unittoornerit 0,7-it pisarput. Tamatuma peqatigisaanik unittoornerit ullut arfineq marluk tikillugit sivisussuseqartarsimasut, ullumikkut nalunaaquttap akunneri tallimat inorlugit sivisussuseqartalerput. Taamatullu piffissaq qisuariarfiusartoq minutsinut 20-nut appartinneqarpoq, aammalu piffissaq iluarsiiniarnermut atorneqartartoq agguaqatigiissillugu taamaallaat nalunaaquttap akunnerinik arfinilinnik sivisussuseqartarpoq, siullermik isumaqatigiissummi ullut suliffiusut pingasut anguniagassatut aalajangersarneqarsimagaluartut. Taamaattumik ataatsimut isigalugu Sermersooq IT-mik ingerlatsinermi siuariangaatsiarpoq, tamannalu aaqqissuussaanermut tamarmiusumut tapertaaqataavoq. Tamannalu Comby-miit soorunami tulluusimaarutigeqaarput.

 

s

Sapaatip akunnerata ingerlanerani arlaleria ingerlatsinermi ajoquteqarnermiit systemit ajutoornerisa amerlassusaat ukiumut 0,7-imut

}

Piffissaq ajutooqqaffik ullut arfineq marlunnik sivisussuseqartumiit akunnerit tallimat ataallugit sivisussuseqalerpoq

Piffissaq akiffik minutsinut 20-inut appartinneqarpoq

Piffissaq aaqqiivik agguaqatigiissillugu akunnernut arfinilinnut ikilisinneqarpoq

Tassami Comby-mi IT-mik suliaqarnitsinni atuisut ataasiakkaat tamarmik IT-mik ingerlatsinerinik pitsaanerulersitsinikkut nalilinnillu pilersitsinikkut niuerfiinut tapertaanissaq siunnerfigaarput. Atuisunut apeqqutigisartagarput siulleq tassaavoq: ‘IT aaqqissuussaanermi suliffigisanni sumut atorneqarpa?’. Taamatorpiaq isummerneq Sermersuumut tulluussimavoq, ullumikkullu qanittumik oqaloqatigiinneq suleqatigiinnerlu, suleqatigiinnitsinni misigisimasartik pingaartippaat.

”Siullermeerluta avammut suliakkiinialeratta pitsaassuseq apeqqutaatinneqarpoq. Suliffeqarfiup iluani IT-mut immikkoortortaqarfiup pitsaasumik pikkorissumillu sulisinnaassusiata amigarnera, aammalu ingerlatsinerup akisuallaarnera peqqutaapput. Comby-mik suleqateqarnitsinni pitsaassuserput kiffartuussinittalu qaffasissusia qaffatsippagut aningaasartuutillu ikilisillugit, suliarlu tamakkerlugu qanittumik oqaloqatigiissimanerput tamatumunnga peqqutaavoq”, Gerth Jakobsen oqaluttuarpoq.

Comby-mi sulineq tamakkerlugu Sermersuumut siulliulluni siunnersuisarneq, niuernerup ingerlaneranut tapertaasussaq aallussimavarput. Sermersuup aqutsisuinut ingerlaavartumik oqaloqatiginninnikkut, Comby-mi siunnerfittut aalajangerneqartut aammalu kiffartuussinermut piumasaqaatit ingerlaavartumik, taamaalillutik Sermersuumut pitsaanerpaamik tapertassanngorlugit qaffattarpagut.

Nalillit oqaloqatiginninnermi pinngortarput

Aallaqqaamulli Comby-mi Sermersuumut attaveqarnermik nukittuumik piffissamullu ungasissumut atuuttussamik pilersitsinissarput kissaatigisimavarput. Aamma neriorsuutitsinnik pilersuinissaq tamatumani pisariaqarsimavoq. Tamatuma peqatigisaanik ingerlaavartumik ineriartornissarput pisariaqarsimavoq – soorlu Sermersooq taamaattoq. Atuisup niuerfii ataqqisorujussuuagut, aammalu tamanna taakkununngarpiaq qanoq isumaqarnersoq paasissallugu uatsinnut pingaaruteqarsimavoq.

”Uatsinnut IT-mik ingerlatsineq pitsaasoq tassaavoq, IT-p pigisavit aaqqissuussaanermi suliffigisanni niuernermi suleriaatsinut tapertaanissaa. Taamaattumik pioreersunut unammillertitsinissarput atorfissaqanngitsunillu piiaanissarput, taamaalillunilu sullitatta taamaallaat IT-mut aaqqiissutissanut, niuerfimminnut naleqalersitsisussanut aningaasanik atuilernissaat ersiginngilarput,” Brian Torp, Comby A/S-imi CEO oqarpoq.

Taamaattumik Sermersuup IT-mut aaqqissutaa suliffeqarfiup pisariaqartitarpiaanut naleqqussagaavoq. Tassani aaqqiissutissat taamaallaat atortunik pisariaqartinneqartunik imaqarnissaat, taamaalillunilu immikkoortunut sullissinernullu pisariaqanngitsunut piffissamik isumalluutinillu atuisoqannginnissaa pingaaruteqarpoq. Tamanna pissutigalugu suliap ingerlanera tamakkerlugu Sermersuup qanittumik oqaloqatigineqarnera ingerlaavartumillu suleqatigineqarnera pingaaruteqarsimavoq. Taamatut uagut aamma Sermersooq isumaqarpugut.

”Comby-mik suleqateqarnitta ingerlalluarneranut qanilluinnartumik oqaloqatigiinnerput peqqutaavoq. Neqerooruteqartitsinerni marluusuni qilersorsimanngitsumik suleqatissarsiorfiusumillu attaveqarnissamik kissaateqarnerput piumasaqaataavoq. Tamanna Comby-lu anguarput. Isumaqatigiissuterput isumaqatigiissutitut nalinginnaasutut ilusiligaanngilaq; annertunerusumik immikkoortitigaanngilaq, taamaattumillu pissutsit pillugit oqaloqatigiittorujussuusinnaavugut, aammalu Comby-p aaqqissuussaanitsinnik paasinninnissaa piumasaqaataavoq. Ingerlaavartumik oqaloqatigiinnerput suleqatigiinnerpullu uatsinnut isumaqartorujussuuvoq, aammalu taamatut anersaaqarneq Comby-mut tulluuttorujussuuvoq,” Gerth Jakobsen nassuiaavoq.

Isumaqatigiissutip eqaatsumik ilusilikkap saniatigut Sermersooq neqerooruteqartitsinermini kingullermi aamma IT-mut aaqqiissutaasussami ingerlatsinerup isumannaatsuunissaanut aningaasaqarnermullu piumasaqaateqarpoq. Tassani aamma Sermersuup kissaatigisaa Comby-miit naammassisinnaasimavarput.

”IT-p isumannaatsuunissaa pingaarnerpaatitatta ilagaat, misilittakkagullu malillugit Comby-p tamanna naammassisinnaagaa ilisimavarput. Aamma tassani uatsinnik ilisarisimannilluarnerat soorunami uppernassusiannut neqeroorutaannullu sunniuteqarput,” Gerth Jakobsen erseqqissaavoq.

Isumaqatigiissut naatsumik: Sermersuumi sulliviit 4.500-t missaanniipput serverillu 120-iullutik, taakkulu tamarmik 2014-imili Comby-mit ingerlanneqarsimapput allanngutsaalineqarsimallutillu. Tamatuma saniatigut Sermersuumi host centerit sisamat kommunimut siammarneqarsimapput. Taakku aamma Comby-mit ingerlanneqarput allanngutsaaliorneqarlutillu.

Kommuneqarfik Sermersooq Kalaallit Nunaanni kommuniuvoq, 22.738-nik innuttaqartoq, taamaattumillu innuttaasut uuttuutigalugit Kalaallit Nunaanni annersaalluni. Kommunimi illoqarfiit annersaat tassaavoq Nuuk, Kalaallit Nunaanni illoqarfiit pingaarnersaattut inissisimanermi saniatigut 17.796-inik innuttaqartoq. Kommunimi illoqarfiit nunaqarfiillu sinneri Kalaallit Nunaata kitaani Tunumilu sinerissami siaruarsimapput.

IT-mik ingerlatsinermi qanoq iliorlutit pitsaanerusunik angusaqarnissamut ikiussavatsigit?

Qanoq iliorlutit suliffeqarfiutinni IT-mut ikiuisarnerup pitsaasuunissaa atasinnaanissaaluunniit anguniarlugu qulakkeerisinnaanerlutit suleqatissamik atorfissaqartitsivit?
Taamaappat uatsinnut attaveqarlutit suliffeqarfiutinni IT-mik ingerlatsinermi aaqqiissutissat pillugit pisussaaffiliinngitsumik oqaloqatiginninnissamut attaveqarsinnaajuaannarputit.

Ilanngutassiat kingulliit